طبعا انت مستغرب العنوان لكن تعالي افهمك كل حاجة يا شق.
ايوا دا تحدى مع نفسك لمدة ٣ شهور او ٩٠ يوم!!!
في خلال ٣ شهور اللي هما ٩٠ يوم تقدر حرفيا تكون واحد تاني خالص غير دولقتي تعالي افهمك.
في خلال ٩٠ يوم تقدر تعمل حاجات كتير :
١- قبل ما تنام،،، تكون عارف كل. حاجة ناوي تعملها بكرة.
بعني أصح،،، قبل ما تنام لازم تكون محدد انت هتعل ايه بكرة بالضبط،،، لازم تسوق اليوم بتاعك و تتحكم فيه صح.
٢- تصحى بدري.
انك تصحى مثلا الساعة ٥ الصبح كل يوم،،، تخيل كدا انك صحيت الساعة ٥ الصبح و طبعا بعد ما تاخد شاور و تفطر و كدا تقوم تروح الجيم ع الساعة ٦ مثلا و تخلص تمرين ع الساعة ٧ ونص او ٨ مثلا،،، تخيل كدا انت خلصت تاسك من تسكات اليوم و الناس اصلا لسه بتبدأ يومها و لسه هيقوموا من النوم.
٣- اتعلم مهارة جديدة و تكون عالية الدفع.
تعالي افهمك،،، ايا كان شغلك الاساسي،، انتوا برضو محتاج تتعلم مهارة تجيب ليك دخل كبير،،، انا عن نفسي دايما بقولها انك يكون عندك مهارة دخلها. كبير اهم من افشخها شهادة جامعية،،، اتعلم مهارة زي
البرمجة
التسويق الإلكتروني
تصميم جرافيك
تصميم اعلانات
و غيرها كتير من المهارات اللي تجيب ليك مبلغ محترم و لو انت بقيت محترف هيكون الدفع بالدولار كمان.
عن نفسي انا تمام في البرمجة و اشتغلت بيها فترة كبيرة مع كذا شركة كبيرة.
٤- اكتسب عادة جديدة مفيدة في حياتك.
علشان تكون شخص ناجح،، لازم تكون عبارة عن عادات جيدة و بس،،، مش القصد انك تكون مثالي،، كدا كدا كلنا خطائين،،، لكن القصد انك تكون مجموعة من العادات اللي تساعدك في حياتك و بيها تحقق هدفك،،، زي مثلا انك تنظم وقتك او انك تتعود على الدراسة و غيرها كتير من العادات الجميلة،،، عن نفسي انا عادتي هي كتابة القصص و كتابة الأكواد في البرمجة.
٥- حاول تبعد او تبطل العادات السيئة في حياتك.
دايما كل واحد فينا بيكون عنده عادة سيئة مخلياه مش طايق نفسه و ما بالك بقى بتأنيب الضمير و الهري دا كله،،، لو انت كدا مستني ايه،،، ما تحاول تبطل العادة دي،،، مثلا زي التدخين و انك مثلا مش بتهتم بشكلك و غيرها من العادات السيئة المهم ان الفكرة وصلت.
٦- حاول تعمل كدا و اتفرج على نفسك بعد ٩٠ يوم،،، شوف كدا هتكون عامل ازاي.
اتمنى اكون افدتكم بالموضوع دا و شكرا ليكم
طبعا مش محتاج اقول ان لو حد عنده نقط مهمة غير اللي انا ذكرتهم في الموضوع يا ريت يشاركه مع الكل و نستفيد كلنا
