مالك ياعم في ايه
لا كنت كده مطفي و زادو غطى بان عليك الشيب
طول عمر ي بحب الشتا اكتر من الصيف و الليل اكتر من النهار
الليل هادي و ساكن و شتاه دافي بنظره ف سماه و الدخان
لحد ما تيجي هي تقلب الليل نهار و الهدوء يتكسر بدقات قلبك و السكون تلغبطه مشاعرك
كنت بقول لنفسي يابختك لقيت اللي بتحبها بتحبك
و كأن ابواب السما اتفتحت و من غير قصد حسدت نفسك
و ارجع اقول ع ايه يا منيل ده عشت سنين ف حبها بتتخيل كنت بتتمنا ترجع كنت بتشوفها ضغط قلبك بيوصل للسما كنت بتموت لو ريحها في واحد خبط
ضحكتها كانت بتعلي الدوبامين شوفتها زي واحد بيغرق و طلع للاكسجين
يلا اهي فرجت و كل حاجه بميعاد و اللي مكتوبلك هيصيبك و حبيبتك بقت نصيبك مبروك عليك
(مبروك)
صدقت نفسك و فاكر ان الدنيا هتسيبك لفرحه قلبك
هتاخد اللي عايزة كده بالساهل حتي لو بتحاول
و تصحا من حلمك و حلاوة تغير الالوان بكف الدنيا نزل عليك لحد مخلا جسمك كله الوان
رساله من الحبيبه بتحس بتغيير و المعامله بقت جافه مش لذيذة
يوم و التاني و تمسع الاسطوانه الحزينة
.انا جايلي حد و مش قادرة اقول لا
..اجي اتقدملك دلوقت انا قولتلك كتير و انتي اللي رافضه و عايزة وقت
.هتيجي تعمل ايه انت اه جاهز بس هو جايلي من الخليج
.. بس انا بحبك و مستقبلي هيبقا احسن
.صدقني مبقاش ينفع
ضحك هستيري طبعا فاكر ان الدنيا ضحكتلك و انك زي بتوع الافلام هتاخد اول حب ليك وتلاقيها بتحبك
يا موهووووم
ارجع تاني لوحدك بس بتفاصيل تانيه
حابب نهار اليوم اكتر ليله
مش فكرة حب ده خوف من عقلك ف سكون الليل قادر يجيب اجلك
تفكير مبيوقفش من القهوة ولا حتي المخدرات و الخمرة
عايز يومك مزحوم بتدفن نفسك وسط الناس و رغيهم مش عايز تسيب فرصه احسن يستفرد بيك عقلك
يقولك انا ياما حذرتك قولتلك الدنيا مش وردي انت و قلبك شيلتني الهموم بدري
معانا كام سنة عشان تتعافي من القديم ولا فاكرها سهله
خلاصته يابني
حب الرجال مذلة
