فضفضه مات تانى يوم

[Dr Stranger]

زميلنا قالهم لازم تاخدوه على المستشفى حالا. لازم يعمل قسطره طوارىء.

خرجوا....

خالوا قالوا سيبك من الدكتور ده بيأفور. خد بس الحقنه الفلانيه ونام اتغطى، هتعرق، تصحى تبقى كويس .

نام مصحيش تانى يوم . مات 😔

وكان ٣٢ سنه .!!!!

أكتر الشعوب اللى بتألف خاصة فى الدين والطب هما المصريين. كلهم علماء ودكاتره.

يجى العياده يسألك السؤال ويجاوب هوا. طيب لما انت عارف بتسألنى ليه ؟

كنت الأول بتنرفز. دلوقتى بقيت أسكت وخلاص. وأقوله خليك بجاهلك عشان لماضتك وطولة لسانك .

زى موضوع مكتوب فوق

بتقولك فياجرا حريمى !!!

تقولها مفيش !
تقولك دى برا مش هنا .

تقولها أنا أصلا بره ومفيش
تقولك أصل مش عارف إيه .🫡

شركة فايزر اللى اكتشفت الفياجرا بالصدفه . أول ما عرفوا تأثيرها على الإنتصاب للرجاله جربوها على الستات وللأسف ملقوش ليها تأثير .

لو الواحد بس تعب نفسه وكتب على جوجل أو حتى سأل شات جى بى تى هيعرف المعلومه وميبقاش يألف.

مش عيب لما الواحد ميبقاش عارف فى كل حاجه. عشان كده فيه تخصصات ووظائف

لكن كل ما زاد جهلك ، كل ما حاولت تعوض ده بالتأليف من غير علم.

أنا لا أقصد صاحبة المقال لا من قريب ولا من بعيد

اضغط لقراءة المزيد...