الحاأآكم
☆( 𝗠𝗢𝗛𝗔𝗠𝗘𝗗 )☆
👑ŤĤẸ ЌĮŇĞ👑
العضوية الذهبيه
نسوانجى جنتل مان
افضل عضو
العضو الخلوق
نسوانجى مثقف
نسوانجي متفاعل
نسوانجي متميز
نسوانجي خفيف الظل
نسوانجي معلم
قناص صور
دكتور نسوانجي
أستاذ نسوانجي
نسوانجي كروي
عضو
ناشر قصص
نسوانجي قديم
فضفضاوي برنس
شاعر نسوانجى
نائب برلمان
الجزء الأول"
👿عشق الحور👿
اهلا انا محمد عندي 36سنه حكايتي بتبدأ من وانا عندي 10سنين كنت كل يوم بحلم ان في ست كبيره جميله اوي بتيجي وتلعب معايا وكنت بنام كل يوم مخصوص عشان اروحلها نسيت اقولكم اني وحيد معنديش اخوات ومعنديش أصحاب برضوا معرفش ليه بس كل ما اروح مكان ببقى منبوذ فيه. كنت بلاقي الصاحب والأخت والام والاب والحبيبه في الست اللي بتجيلي في الحلم وبالمناسبه كان اسمها حور وحور دي كانت زي ما بيقولوا الحاجه الحلوه اللي في حياتي وكنت كل يوم برجع من المدرسه ومجرد ما راسي تلمس المخده بروح في النوم على طول او بروح لحور على طول حتى لو كنت نايم كتير قبلها وواخد كفايتي من النوم وفضلت كدا لحد ما وصلت للسن اللي بيتغير كل حاجه في عند الشباب لما وصلت16 سنه سن المراهقه اتغير فيه تفكيري تمام والحاجات اللي كنت بحب اعملها وانا صغير مبقتش تفرق معايا بجنيه بقيت بركز مع البنات بشكل تاني وبدأت اشوفهم بشكل تاني اكيد انتو فاهمني ولما دخلت ثانوي غيرنا الشقه عشان ابويا جالو شغل في مكان تاني بمرتب احسن يعني لما روحت هناك قررت اني لازم ابدأ اكون صداقات جديده وفعلاً اتعرفت. على ولد في المدرسه دي وكان اسمو عمر . عمر كان زي حلاتي وحيد معندوش صحاب اهلوا مش مهتمين بيه يعني نسخه مني تأقلمنا جدا مع بعض وفي خلال شهور قليله جدا كنا صحاب اوي ومع بعض على الحلوه والمره و اليوم مبيمشيش غير لما نتقابل او نقعد سوا وفي يوم وانا بكلم عمر قالي :بقولك اي انا رايح اقابل مريم.
محمد:البت الملزقه اللي معانا دي؟
عمر: طب متقولش ملزقه بقا ومتغلطش هي كدا كدا هتجيب صاحبتها تيجي؟
محمد: ومين صاحبتها بقا ؟
عمر: معرفش مش من المدرسه ها جاي ولا اي.
محمد: بس انا مبعرفش اتعامل معاهم.
عمر:يا عم هو انت هتخطبها تعالى بس وانا هتعامل.
محمد : ماشي. هنروح امتى.
عمر: على بليل ريح ونام شويه ونروح بليل .
محمد: اشطا سلام.
عمر :سلام.
وروحت نمت بس الغريبه انها مجتش ايوا حور مجتليش اول مره تحصل من يوم ما كان عندي ١٠سنين وصحيت في المعاد فعلاً ونزلت قابلت عمر.
محمد : اديني جيت وسرقة العربيه من ابويا كمان ها بقى هنروح فين؟
عمر: اشطا اوي هنروح الحصري في الكافيه ****.
محمد : اشطا.
عمر : ازيك يا مريم عامله اي.
مريم: الحمد****.
عمر : دا محمد انتي عارفه يا مريم . عرفينا بقا مين القمر.
مريم: دي منه صاحبتي عمر ومحمد يا منه.
منه : اهلا يا محمد ازيك يا عمر.
محمد بسرحان في جمال منه : ازيك يا منه .
خليني اوصفلكم منه . منه بت جميله قصيره وتهبل اي حد يبصلها .
عمر: بقولك اي يا محمد ما تاخد منه في ترابيزه تانيه.
منه : دنتا بتوزعنا بقا.
محمد : **** يسهلو يا عم .
ها يا منه تاكلي لي؟
منه وشها بيتغير هاكل كريب يا روحي
محمد بصدمة: اي دا حور .
منه:حور مين؟
انت المزه بتاعتك قفشتك ولا اي اقوم؟
محمد : لا خليكي دنا اتهيئلي حاجه بس .
منه: ماشي .
محمد : الاكل حلو اوي .
منه : اه فعلاً.
عمر : مش يلا يا شباب ولا اي.
منه : اه يلا.
محمد:اركبوا يلا هوصلكم.
منه : لا مينفعش.
مريم : عادي يا بنتي مفيش حاجه.
منه : مريم متستهبليش.
مريم : تعالي بس اسمعي الكلام.
منه :اما نشوف اخرتها.
عمر: بس هنزل انا ومريم هنا.
منه:انتي هتسبيني لوحدي؟
مريم : محمد معاكي هيوصلك.
منه: طيب يا جزمه.
محمد وهما في الطريق بعد صمت كبير : على فكره انا اتبسط معاكي اوي.
منه: شكراً وانا كمان اتبسط .
محمد: بجد اول مره حد يتبسط انو قابلني هههههه .
منه: ليه انت معندكش صحاب ؟
محمد: هو عمر بس .
منه : انا كمان معنديش غير مريم كلهم بيحقدوا عليا معادا هي مليش غيرها .
محمد : حقهم بصراحه.
منه ووشها احمر: اااه طب انا لازم انزل.
محمد: هنتقابل تاني؟
منه: اكيد.
محمد: طب ما تجيبي رقمك عشان اطمن عليكي انك طلعتي يعني.
منه: قديمه اوي الحجه دي بس ماشي اهو11****.
محمد: ماشي يا شبح .
منه:. باي.
محمد: باي.
محمد في اوضتو: اخيرا وصلت لسريري حبيبي بس اي اللي شوفتوا في المطعم دا. تهيوئات ولا بجد ولا انا اتجننت ولا اي. لازم اروح لحور .
اول ما دماغي لمست المخده روحت في النوم.
محمد: حور يا حور انتي فين.
"الجزء الثاني"
حور وعيونها بتطلع نار: مين اللي كنت معاها دي.
محمد : دي منه صاحبت مريم ومريم صاحبت عمر وعمر صاحبي يعني معرفهاش اصلا .
حور: بقولك ابعد عنها لو مبعدتش عنها هحرقهالك.
محمد: اي اللي انتي بتعمليه دا وانتي مالك اصلا هو في بينا حاجه ؟
حور وبصوت كلو غضب ووشها اتحول لمسخ وعنيها عباره عن جمرة نار: انت بتاعي انا بتاعي انا لوحدي من يوم ما اتولدت وانت بتاعي ولو مبعدتش عنها هشوهالك وصحيت من النوم في الوقت ده وجسمي كله غرقان عرق والسرير مليان مايه اكني كنت في بحر وطلعت نمت على السرير بهدومي المبلوله دخلت استحميت وخرجت ودي كانت اول مره في حياتي اخاف منها اول مره في حياتي اندم اني روحتلها اول مره في حياتي اكرها جت منه في دماغي قولت لازم اطمن عليها طلعت التلفون واتصلت بيها .
منه : الو مين معايا ؟
محمد : اي مش فاكره صوتي ولا اي؟
منه : مين يعني يا ظريف؟
محمد: ماشي انا محمد صاحب عمر.
منه: ازيك يا محمد معلش بس في ناس كتير بترخم وكدا.
محمد: ولا يهمك محصلش حاجه.
منه: في حاجه حصلت ولا أي ؟
محمد: لا كله تمام كنت عاوز اطمن عليكي بس.
منه: شكرا. هو انت عندك كام سنه بقي.
محمد 16 وانت .
منه: انا كمان16 بس انت شكلك اكبر من كده.
محمد:اكبر ليه يعني؟
منه: يعني كلامك موزون وليك كاريزما كده .
محمد : مبحبش اتكلم عن نفسي كتير.
منه : يخربيت التواضع يا عم.
وبعد مكالمه طويله دامت اكتر من ساعتين .
منه : انا مبسوطه اني عرفتك.
محمد :وانا كمان لازم اشوفك.
منه : الخميس فاضي؟
محمد : لو مش فاضي افضالك.
منه : بس بقا عشان بتكسف.
محمد : لا معاش اللي يكسفك خلاص يوم الخميس في نفس الكافيه.
منه : تمام تصبح على خير.
محمد : وانتي منه اهله.
ونمت وصحيت الصبح قابلت عمر وانا مبفكرش غير فيها في منه بس.
عمر : اي يا عم رأيك في مزة امبارح.
محمد: اتكلم عدل يا عم ومتجبش سيرتها تاني .
عمر: اي دا انت بتغير ولا ايه .
محمد : اغير ايه لا طبعاً وبعدين ميخصكش اصلا.
عمر : ماشي يا عم **** يسهلك بس افتكر اني السبب ها.
محمد : طيب يا سبب تعاله نروح نفطر على عربية الفول بتاعت عم بسكوته خلينا نملى المعده دي.
عمر: يلا يا فنان.
وانا ماشي في الشارع رايحين نفطر شوفت بنت بس مش اي بنت كانت حور ولقيت وشها كلو غضب وبتقولي استحمل بقي.
جريت ومسكت فيها وبزعقلها وبصوت عالي ملكيش دعوه بيها ملكيش دعوه بيا انت عاوزه مني ايه.فوقت والناس بتشيلني من على بنت غلبانه ملهاش ذنب وانا نازل ضرب فيها وكانو عاوزين يودوني القسم بس عمر كلم البت وقالها اني اعصابي تعبانه ومجنون اه قالها اني مجنون تفهمت الموقف وسامحت وخلاص.
عمر: انت اي اللي انت عملتو دا كنت هتودي نفسك في داهيه عارف لو كنا رحنا القسم كان فيها قضية تحرش وسب وقذف واعتداء يعني كنت هتبقى في الأحداث بقيت حياتك.
محمد : انا مش قادر اتكلم ولا قادر اقف.
عمر : مالك في اي.
محمد: مفيش وصلني للبيت بس.
وروحت فعلاً لاقيت ابويا في البيت وبيقولي مالك في اي جيت بدري يعني؟
اول مره يسئل عليا .
مردتش وسبتوا ودخلت اوضتي غيرت وقعدت على السرير مسكت الفون لاقيت منه اتصلت خمس مرات اتصلت بيها.
محمد: الو ايه يا منه في ايه.
منه وهي بتعيط ومنهاره: اللحقني اللحقني هتقتلني .
جريت بسرعه واستأذنت من ابويا وخدت العربيه وطرت على بيت منه .
ب المناسبه منه اهلها متوفين وعايشه مع اختها الكبيره بس اختها دلوقتي مسافره مع جوزها عشان يزور اهله.
روحت وخبط جامد على الباب.
فتحت منه ووشها مش باين من الدموع اول ما شوفتها قلبي اتقبض قولتلها بصوت كله قلق عليها: مالك في ايه.
منه: معلش استناني لحظه هغير وننزل نقعد في اي كافيه عشان مينفعش تدخل لأني في البيت لوحدي .
محمد: اكيد طبعاً هستناكي تحت في العربيه .
منه: تمام مش هتأخر عليك.
نزلت وانا الحيره والقلق مموتني نزلت واستنيت في العربيه نزلت منه وركبت وقالتلي: روح اي حته نقعد فيها ومتكلمتش تاني طول الطريق .
محمد : وصلنا اتفضلي ممكن تقولي ايه اللي حصل بقا .
منه : هحكيلك على كل حاجه………………انا قفلت معاك المكالمه بليل ودخلت نمت حلمت بواحده عنيها سودا جدا مفيهاش النن الابيض اللي موجود عندنا ووشها عباره عن مسخ وشعرها كلو تعابين وبتنزل ددمم من عينها قربت انا لاقيت نفسي مشلوله مش قادره اتحرك عاوزه اصرخ مش عارفه ولاقيتها بتقرب عليا ببرود غريب ومكنتش بتمشي كانت طايره رجلها مش لامسه الأرض وبتقرب عليا ببطء شديد ومره واحده لاقيتها في وشي كانت لازقه في وشي مش عارفه اغمض عيني حتى ومسكت كتفي وغرزت ضفرها فيه اكنك جبت سكينه وحطيتها على نار لمدة ساعتين وبعد كدا طعنت بيها حد بقيت حاسه بنار في كتفي نار ومش قادره اصرخ حتى قربت وشها مني اكتر وقالتلي محمد لحور محمد لحور ابعدي عنه وصحيت لاقيت السرير كلو غرقان وجسمي كلو غرقان اكني نزلت بحر او حمام سباحه وطلعت نمت بهدومي دخلت اخدت شاور وانا في الحمام قولت اكيد بيتهيألي اكيد دا مش بجد بس اول ما المايه لمست جسمي لاقيت كتفي بيوجعني اوي ببص في المرايه لاقيت دا وكشفتلي كتفها كتفها موجود فيه طعنه وحواليها حرق مكنتش عميقه اوي بس كانت واخده منطقه كبيره .
محمد : وبعدين كملي.
وانا واقفه في المرايا لاقيت نفس البنت بنفس الملامح هي اللي في المرايا مش انا وكانت ماسكه في أيدها سكينه كبيره ولاقيت ايدها بتخرج من المرايا وانا اتشليت تاني ومبقتش عارفه اتحرك وقربت السكينه من وشي وقالتلي اخر فرصه ليكي لو مبعدتيش عن محمد السكينه دي مكانها هيبقى في زورك واختفت بعدها جريت برا ولبست هدومي وكلمتك واديك جيت اهو ممكن بقا تفهمني في اي ممكن تفهمني اي اللي بيحصلي.
محمد : اهدي متقلقيش انا هتصرف.
منه : انا عاوزاك تفهمني .
"الجزء الثالث"
محمد : كل حاجه في وقتها هفهمك بس مش دلوقتي.………في الوقت دا جه ابويا في دماغي معرفش ليه بس قررت اني لازم احكيلوا وقررت اني مش هسيب منه في البيت لوحدها تاني. وقولتلها : تعالي معايا .
منه : فين.
محمد : تعالي بس .
وروحت البيت .
منه : انت اتجننت موديني فين.
محمد : ابويا جوه متقلقيش وفكك من جو الافلام ده .
بابا عنده 54 سنه كان ف شبابه بيحب المغامرات وعنده فضول وتطلع علي كل حاجه حتي لو كانت غلط.
بابا يا بابا.
بابا: اي يا محمد في اي نزلت تجري كدا ليه ومين البنت دي.
محمد : هفهمك كل حاجه بس منه هتقعد معانا شويه لحد ما نحل المشكله دي وانا هبقى انام عند عمر بس هنزل لما ماما تيجي.
بابا: في اي يا محمد.
محمد : منه دي اوضتي ممكن تدخلي تريحي فيها شويه.
منه : ماشي
بابا : ممكن تفهمني بقا.
وحكيت لبابا كل حور بنت مليكه.
محمد: مليكه ؟
بابا : حور بنت مليكه ؟
محمد : مليكه مين ؟
بابا : دي قصه طويله اوي بص يا ابني انت كبرت ولازم تعرف كل حاجه وانا قدك كده كان عندي هوس بعالم الجن والعفاريت وكنت بجري ورا العالم دا بطريقه بشعه لحد ما في يوم كنت بتكلم مع واحد من صحابي عرفت ان امه هتروح عند شيخ عشان اخته تعبانه وكده وهيروح مع امه واخته يعني. انا اصريت جدا اني اروح معاه وفعلاً روحت واخته كان عليها جن عاشق الجن العاشق ده ممكن يبقى جن طبيعي. بس ممكن حد يبعته عشان يأذي الإنسان لاكن بيتحول لجن عاشق ومش معنى انو اتحول لجن عاشق انه بقى طيب لا ده بيأذي الإنسان اكتر بكتير يخلي البنت اللي حبها دي ميجلهاش عرسان ولو جالها ترفضهم منغير اي سبب ويخلي البنت مش مركزه ودايما سرحانه او مش موجوده في العالم الواقعي دا غير بجسمها بس.
غير انو ممكن يتعدى على البنت دي واكيد انت فاهمني المهم اول ما دخلنا وشوفت الشيخ عرفت فوراً انو دجال بس مش نصاب دجال مسخر جن بجد عندو علم بتسخير الجن والتعامل معاهم. وحضرت الجلسه جاب البنت اخت صاحبي وقعدها قدامه وجاب حمامه ريشها كلو اسود بس راسها لونها ابيض ودبح الحمامه وعصر ددمم الحمامه على البنت اخت صاحبي وحط ايده على دماغها وبدأ يقول كلام غريب بس كنت سامع الكلام بوضوح كان بيقول"أقسمت عليكم يا خدامي من الملوك السفليه اقسمت عليكم يا خدامي ان تحضروا الآن امركم ب الحضور القوي غير الهين امركم ب الحضور القوي غير الهين امركم ان تحضروا جميعاً في الحال...... الساعه الساعه العجل العجل الأجل الأجل النار النار "وفضل يكرر يا بني في الكلام ومره واحده بلا اي مبالغه حسيت إني في جهنم حسيت بحراره شديده جدا في المكان وشوفت الشيخ مبتسم وبص في عين البنت وضغط على راسها اكتر وقال انت مين واي اللي جابك الجسم دا ومين سلطك لاقيت البنت عينها قلبت بقيت كلها ابيض وعروقها برزت منها وحسيت ان عروق رقبتها هتنفجر وردت على الشيخ بصوت راجل لا لا مش صوت راجل ده مش صوت بني ادم اصلا وبتقول انا طالوش من قبيلة بني قيعان انا كنت موكل ب الخراب والموت والفقر بس حبيتها ومقدرتش ااذيها ومش هسيبها مهما عملت ولو حرقتني قبيلتي مش هتسيبك والجن اللي معاك مش هينفعوك رد الشيخ عليه وقالوا ومين قال اني هحرقك على طول انا هديك انذار لو مخرجتش هحرقك وساعتها قبيلتك مش هتنفعك قدامك دقيقه لو مخرجتش انا اللي هحرقك ومره واحده لاقيت البنت بتترمي في الأرض جامد وبتتشنج بطريقه فظيعه ولاقيت في رغاوي لونها ابيض بتخرج من بوقها ولاقيت الشيخ قام من مكانه وبيحرك شفايفه بس مبيطلعش صوت ولاقيت البنت اترفعت في الهواء وطلع من بوقها دخان اسود واترمت بعدها في الأرض ورجعت حاجه زي الدم بس كان لونه اسود قعد الشيخ مكانه تاني وقامت ام صاحبي وصاحبي وسندوها وقعدوها. الشيخ قالهم انه جن عاشق بس هو حرقه وهو كده يضمنلهم انو مش هيرجع تاني وساعتها الشيخ خد منهم 5000 جنيه وساعتها كان مبلغ كبير اوي انا عارف ان صاحبي دا اهلوا مقتدرين وكده بس مكنتش اعرف ان ممكن دجال زي دا في ساعه ياخد مبلغ زي ده.
المهم مشينا بس انا كل تفكيري اني اتعلم السحر وابقى زي الساحر ده واقوى كمان وبعدها بيوم روحت للساحر قولت هروح على اني بشوف كوابيس وحاجات غريبه عاوز اتعالج وكده اول ما دخلت قالي جاي ليه قلتله بعد ما مشينا امبارح انا روحت شوفت كوابيس كتير وشوفت جن بيقولي هحرقك زي ما حرقتوني.
الساحر ضحك بهستيريا مفهمتش وبعدين قالي: انا معجب بتفكيرك يا عمران.
عمران دا اسم ابويا ب المناسبه.
عمران : انت عرفت اسمي إزاي ؟
الساحر : بذمتك دا سؤال برضه هتخليني ارجع في كلامي واقول عليك غبي ولا اي؟
عمران: لا خلاص انا بصراحه بحب عالم الجن والعفاريت وعندي شغف كبير نحية العالم ده وزاد لما شوفتك وعاوزك تعلمني.
الساحر ببتسامه كلها شر : كنت مستنيك من زمان يا عمران.
عمران : يعني هتعلمني .
تابع ل التكمله.........
" الجزء الرابع "
الساحر :هعلمك بس لازم تبقى عارف انت داخل على اي ولازم تبقى عارف انك لو دخلت في الموضوع دا مش هتعرف تطلع منه غير وانت ميت.
عمران بتسرع وطيش شباب: موافق بس عاوز ابقى قوي زيك.
الساحر : انت هتبقى اقوى مني كمان وهتبقى الوريث لكل قوتي عشان انا مش مسمحلي اجيب وريث من صلبي .
عمران : وليه مش مسمحلك؟
الساحر : عشان غلطه عملتها زمان حرقت جن من قبيله عامله معايا تحالف .
عمران: هنبدأ من امتى طيب.
الساحر : من النهارده انت هتروح تدخل البيت متكلمش حد ولا ترد على حد وخد السائل دا هترش منو على عتبة الاوضه بتاعتك وفي اركان الاوضه كلها والباقي هتحطه على ايدك وتمسح بأيدك على جسمك كله .
عمران : اي السائل دا؟
الساحر : واول درس هتتعلمه انك متسألش انت تنفذ أوامر وبس.
عمران : حاضر.
وفعلاً يا بني نفذت كلامه ولما رشيت السائل دا في الأوضه وعلى عتبة الباب حسيت بخنقه وبضيق بس مركزتش وتاني يوم روحت للساحر تاني وقولتله :انا عملت اللي قولتلي عليه.
الساحر :شاطر يا عمران انت من النهارده بليل تسيب بيت اهلك وتيجي تعيش معايا هنا.....
انا سكت شويه قولت اسيب اهلي ازاي انا مليش غيرهم.
لاقيت الساحر بيرد عليا وبيقولي : لا دلوقتي بقا ليك غيرهم انا هبقى معاك وجمبك يا عمران.
عمران بخوف : انت انت عرفت ازاي انا بفكر في أي.
الساحر : شكلك هتفضل غبي كتير يا عمران. النهارده بعد العشاء وقبل ما الفجر يأذن تكون عندي لو عاوز تتعلم بس لو مجتش يبقى متلومش غير نفسك.
عمران : هروح اجيب حاجتي.
محمد: وانت يا بابا ازاي قدرت تسيب بيت اهلك.
عمران : اهلي دول كانوا بيكرهوني بيتمنولي الموت ومكنتش شاغل تفكيرهم غير عشان حاجه واحده اني حمل عليهم عاوزين يخلصوا منو وانا قررت اني اخلصهم يمكن عشان انا ملاقيتش حنيه من اهلي كفايه عشان كده مش عارف اخليك تحبني ومش عارف اقرب منك بس و**** يا محمد انت اكتر واحد بحبه في حياتي ونفسي تبقى احسن مني.
محمد: ومين قال بس اني مش بحبك يا بابا انا عارف انك بتتعب كتير عشاني وانا مقدر ده كويس.
عمران : بجد يا بني يعني مش بتكرهني.
محمد : انا مقدرش اعيش منغيرك انت وماما انتوا حياتي كلها.
لاقيت ابويا عينه بتدمع من الفرحه حسيت اني مهم عندو فعلاً وانه ليه حق عليا هو وماما ولازم اديهلهم ولازم اقرب منهم.
محمد : كمل يا بابا وعملت اي بعد كده.
عمران: روحت لميت هدومي واستنيت العشاء يأذن ونزلت ومشيت في طريقي للساحر.
ووصلت للبيت بتاعه............... بيت قديم تحسه مهجور شكله يقلق القلب ترددت شويه بس قولت خلاص مفيش حاجه اقدر اعملها ودخلت البيت وخبط على الباب فتحلي الساحر ببتسامه مرعبه وقالي كنت متأكد انك هتيجي .
عمران : ماشي اديني جتلك ممكن اعرف اسمك اي ولا مينفعش.
الساحر ضحك وقالي : لا يا عمران ينفع انا اسمي الشيخ مرزوق.
الشيخ مرزوق راجل كبير في السن اكتر من 60 سنه شعره ابيض ودقنه بيضه اسمر شويه جسمه نحيف
عمران : ماشي هنبدأ منين يا شيخ مرزوق.
مرزوق: تعاله ورايا .
ومشيت وراه ودخلنا اوضه كبيره الحيطان بتاعت الأوضه لونها اسود واحمر بس مش اي احمر كان لون الدم بالظبط تحس الدهان ددمم متجلط مش دهان اصلا.
ومتعلق على الحيطه راس جدي بس. مكنش شبه المعيز العاديه قرونو اشبه بقرون الغزاله ووشه كله اسود وعينه كانت لونها ابيض تماماً وعلى فكره كانت عين حقيقيه مش مجرد ورقه او حاجه حطينها عشان يخفه فراغ العين يعني الجدي عينو متحللتش.....
المهم كان في فنص الاوضه على الارض طبق كبير زي اللي كنا بنغسل فيه الهدوم زمان دا وكنا بنسميه "تشط"وكان قدامه كرسي هو قعد عليه وقالي : تعاله يا عمران.اقلع التيشرت بتاعك واقعد في الطبق ده "التشط"عملت كده فعلاً لاقيته خرج ورجع معاه قطه لونها اسود وكانت ضخمه مش زي القطط العاديه ولاقيته قرب مني ودبح القطه فوق دماغي وحط القطه قدامي وقالي : اشرب يا عمران اشرب متخافش.
من منظر الدم وهو طالع من رقبة القطه زي النافوره وكمان عمال يغرق وشي خوفت جدا وحطيت بوقي على رقبة القطه وبدأت اشرب بس حصل حاجه غريبه اوي. طعم الدم مكنش وحش بلعكس كان حلو جدا وده خلاني اشرب تاني واشرب واشرب لحد ما القطه دمها خلص .
مرزوق بسعاده : جدع يا عمران.
وحط ايده على دماغي وبدأ يقول كلام غريب اوي مفهمتوش وبعدين شاورلي على اوضه صغيره قالي : دي اوضتك انت هتنام زي ما انت كده مش هتستحمى لمدة أربعين يوم بس بكره هخليك تغسل وشك لو عايز تغير هدومك مفيش مشكله.
وسبته ودخلت الاوضه عتمه وكتمه بس عادي يعني زيها زي اي اوضه مفيهاش حاجه غريبه وحطيت راسي على السرير ونمت وتاني يوم صحيت لاقيته قاعد في الاوضه اللي بيشتغل فيها اللي عالج اخت صاحبي فيها وكان عنده ناس بس واضح انهم اغنيه اوي كان راجل ومراته تقريباً مش بيخلفوا فضل يقرأ على الاتنين كلام غريب وبعدين اداهم حاجه زي سائل كده وقالهم يترش في اوضة النوم وعلى السرير كل يوم لحد ما يخلص وبعد ما يخلص بشهر هتكونوا ام و اب.
الناس شكرته ودفعوا مبلغ محترم ومشيه.
بس اللي مكنش يعرفوه المساكين ان ابنهم اللي هيجي دا هيكون ابن الجن مش ابنهم.
وبعدين نده عليا قالي وعينه كلها شر اياك تتسنط على اي جلسه انا بعملها طالما مقولتلكش تبقى موجود يبقى اياك تتسنط فاهم خوفت من شكله وهزيت راسي ب الموافقه قالي اغسل وشك وغير هدومك وتعاله عملت كده قالي انت هتنظملي الناس اللي بتجيلي وهتدخلهم ب الدور وقبل اي حاجه لازم يدفعه ألف جنيه عشان يقدروا يقعدوا معايا بس وبعد كده في جلسات هخليك تحضرها عشان تشوفني وتتعلم بس تقعد ولا تنطق ولا تتحرك ومهما شوفت او سمعت انت قاعد زي التمثال متتحركش.
عمران : حاضر.
وفعلاً بدأت اعمل كده وحضرت معاه جلسات كتير وشوفت حاجات كتير جن اشكال وألوان جن قصير ورجله رجل معزه وعندوا قرون كبيره وعينه كلها لونها اسود غامق وشوفت الجن الطويل وشوفت حاجات كتير واتعلمت منه كل حاجه وبقيت اقوى منه فعلا بعد ما هو كبر في السن وانا بقيت شباب بس كان شغفي اتجاه الموضوع ده كل يوم بيزيد عن اليوم اللي قبله وكل يوم ببقى عاوز قوتي تزيد عن اليوم اللي قبله وعرفت اني لو متجوز جنيه هتديني قوه اكبر وخصوصاً لما الجنيه دي تبقى مليكه بنت ملك قبيلة بني الاحمر من اقوى القبائل عند الجن وفعلاً حضرت الخلوه بتاعت الجواز وحضرت مليكه وعرضت عليها الجواز هي كانت من خدامي بس لما تبقى مراتي اكيد قوتي هتزيد وفعلاً اتجوزت مليكه وعملنا عقد ب الدم وقوتي زادت فعلاً انا كنت بروح اعالج الناس في بيوتها وبسافر بلاد كتير اعالج ناس بس مش اي ناس الناس اللي معاها فلوس بجد كانت الطياره الخاصه تيجي لحد عندي و تنزلني في الدوله او المكان اللي انا رايحه واسمي بقا مسمع في مجال السحر والدجل وبقيت معروف واي حد يشوفني يخاف مني ويعملي الف حساب وفي يوم مرزوق حس اني خطر عليه وعلى اسمو حب يخلص مني بس اللي ميعرفهوش اني بقوتي وقوة مراتي مليكه قدرت اخلي الخدام بتوعه خدامي انا وامرتهم يطيعوا مرزوق اكنهم لسه خدامه وكل حاجه هو بيفكر فيها كنت بعرفها وفي اليوم اللي قرر انو يقتلني فيه كنت نايم ودخل عليا ومعاه خنجر وقرب مني ورفع ايدو ولسه هيطعني اترفع من على الارض واترمى على الحيطه الغبي ميعرفش اني عارف انو جاي وميعرفش أني مخلي معايا اللي يحميني وفي الوقت ده قومت من النوم وانا بضحك على منظره وكنت مقرر انا هعمل ايه.
عمران : شكلك كبرت وخرفت يا مرزوق انت متعرفش انا متجوز مين انت متعرفش انا خدامي مين.
مرزوق : شكلك انت اللي متعرفش مين خدامي وبدأ يقول امركم كلكم بالحضور امركم ب الحضور الان امركم يا خدامي ب الحضور .
عمران بضحك شديد : هو انا مقولتلكش ياد يا مرزوق.
مش انا خليت خدامك يبقوا تحت طوعي انا ويبقوا خدامي انا بس انا مش هزعلك وهخليهم يحضروا وقولت فلتحضروا جميعاً يا خدامي اقسمت عليكم ب العهد الذي بيني وبينكم ان تحضروا جميعاً الآن.. وفجأة وبدون مقدمات كان كل خدمي موجودين ومن ضمنهم خدم مرزوق ومليكه مراتي .
مرزوق بغضب شديد : ازاي ازاااااااااي من اول يوم شوفتك فيه وعرفت ان موتي هيكون على ايدك بس متوقعتش بالطريقه دي .
تابع ......
"الجزء الخامس"
عمران : عشان غبي يا مرزوق .
مليكه خدوا الكلب اللي اسمه مرزوق ده اتعشوا بيه النهارده.
وفي ثانيه الجن كلهم هجموا عليه وانا قعدت اتفرج بستمتاع شديد وبدم بارد وهو بيصرخ و بيتقطع قدام عيني وكل جزء منه بقي لوحده ساعتها سبت بيت مرزوق وروحت جبت ڤيلا جديده اكمل فيها بقيت اعمالي الشيطانيه المقرفه وكان معايا فلوس كتير جدا اشتريت الڤيلا وفي يوم كنت في الشارع وشوفت امك حسيت ان قلبي اتشديلها جدا وكان عندي في الوقت ده 30 سنه تقريباً امك خلت قلبي يصحى ويدق تاني بعد ما كان مات من سنين روحتلها واتكلمت معاها.
عمران : ازيك عامله ايه.
صافيه : انت مين وعاوز ايه.
صافيه كانت ست جميله في منتصف العشرينات جسمها مظبوط وبشرتها افتح من القمحي شويه وشخصيتها مختلفه عن عمران شويه
"اه بالمناسبة صافيه ده كان اسم امي."
عمران : اهدي اهدي متخافيش انا عمران جاركم ولسه شاري الڤيلا دي وكنت حابب اتعرف على الناس يعني واكون علاقات وكده.
صافيه : اهلا وسهلا يا استاذ.........
بابا: عمران اسمي عمران.
صافيه : عشات الاسامي يا استاذ عمران .انا صافيه جارتك وساكنه في الڤيلا اللي جمبك دي.بس انا عايشه مع ابويا وامي وانت؟
عمران : للأسف انا قاعد لوحدي.
صافيه : متقولش لوحدك احنا خلاص بقينا جران وممكن تعتبرنا اهلك كمان.
عمران : ده شرف كبير اوي ليا مش عارف اقولك ايه .
صافيه : متقولش حاجه المهم انا لازم امشي عشان اتأخرت وكده اهلي هيقلقوا عليا.
عمران : اكيد طبعاً تعالي هوصلك .
صافيه : ملوش لزوم معايا السواق مبسوطه اني اتعرفت عليك.
عمران : انا اسعد ان شاء **** هشوفك تاني .
صافيه : اكيد باي.
عمران : باي.
حسيت ساعتها اني عجبتها ايوه عجبت صافيه بس زعلتها .
محمد : زعلتها ازاي وهي ماشيه مبسوطه اهي.
عمران : مش صافيه يا محمد زعلت مليكه عشان العهد اللي بينا اني محبش ولا اتجوز واحده من البشر الا برضى مليكه.
محمد : وبعدين عملت ايه؟
عمران : روحت غيرت هدومي وجهزت خلوتي عشان اقعد مع مليكه منا كنت بقعد معاها زي المتجوزين مهي مراتي برضو.
واستدعيتها .
مليكه بغضب : عاوز اي يا عمران.
عمران: اهدي يا حبيبتي بس وتعالي هنتفاهم.
مليكه : مش عاوزه اتفاهم مع حد ولو مبعدتش عن البنت دي انت عارف كويس انا اقدر اعمل ايه.
عمران: اهدي يا حبيبتي بس انت مش عارفه انا بحبك قد ايه ولا متعرفيش اني مقدرش اعيش منغيرك .
محمد بضحك : انت كمان كنت بتثبت جنيه بكلامك يعني مش ماما بس .
عمران : يا واد ابوك كان مقطع السمكه وديلها مع الجن والانس ابوك كان مجرم يا واد. وضحكنا سوا المهم.
بعد ما قضيت خلوتي معاها فتحت معاها موضوع صافيه واني لازم يكون عندي بيت بجد معايا انسيه مينفعش افضل عايش لوحدي كتير وفعلاً اقنعتها بس بشرط انها متحملش مني وافقت على طول وبدون تردد على فكره مليكه كانت بتتجسد في هيئة بنت جميله جدا بس محبتهاش اصل مهما كان الجمال موجود مش هعرف احب جنيه ممكن اكون حبيت القوه اللي حسيتها معاها.
وبعدها بساعه تقريباً الباب خبط وكانت صافيه والبسمه مرسومه على وشها كانت جميله جدا تخطف قلب اي واحد يشوفها وبتقولي: ازيك يا عمران عامل ايه
انا تنحت زي ما بيقولوا كده لساني اتعقد .
صافيه: عمران سامعني.
عمران : اه اه طبعاً الحمد**** انت عامله ايه؟
تابع.......
الجزء السادس
صافيه: الحمد**** تمام .
عمران : طب اتفضلي اتفضلي هنتكلم على الباب .
صافيه : لا لا مفيش داعي انا بس كنت جايه اقولك انك معزوم عندنا النهارده على العشاء وبالمره تتعرف على بابا وماما .
عمران بهزار: ايه ده هو انا صعبت عليكي اوي كده.
صافيه : لا و**** بس يعني عشان نقرب من بعض.
عمران: نقرب من بعض إزاي يعني.
صافيه بتوتر: ايه اه يعني نقرب من بعض كجران وكده وزي ما انت عارف يعني الجران لبعض المهم هستناك النهارده تيجي.
عمران: خلاص ماشي هاجي .
صافيه: ماشي يلا عاوز حاجه.
عمران : اه عاوز رقمك.
صافيه : نعم؟
عمران: متفهميش غلط عشان ارن عليكي قبل ما اجي يعني.
صافيه : ماشي الرقم اهو*
عمران: متشكر يا صافيه.
صافيه: متشكرنيش على حاجه تافهه زي دي لما يبقى في حاجه تستاهل متشكرنيش برضه سلام يا عمران.
عمران :سلام.
ودخلت وقفلت الباب وانا قلبي هينط من مكانه من كتر الفرحه.
وجه معاد العشاء ورحت فعلاً واتعرفت على ابوها وامها
ابوها وامها شخصين طيبين جدا وفي الاخر الخمسين
معرفش كام بظبط بس حبيتهم من اول ما اتكلمنا مع بعض
وفهمتهم اني رجل اعمال وسهرنا سوا وكانت احسن ليله اقضيها في حياتي.
رجعت البيت وكلمت صافيه على الواتس وفضلنا طول الليل نتكلم ونهزر ونضحك وفي خلال اسبوع حبينا
بعض جدا وروحت طلبت أيدها بعدها بشهر.
وفعلاً اتجوزنا : وعيشنا سوا في سعاده في يوم عرفت
انها حامل كانت حامل في اخ ليك المهم الموضوع ده معجبش مليكه وحضرت خلوتي مع مليكه واستدعيتها
ولما جت قالتلي يا تنزل الولد يا هنزلوا انا قولتلها بس يا مليكه انا عاوزه وفضلت اترجاها انها توافق اني
اخلف بس رفضت تماماً قالتلي لو عاوز تخلف وتعيش حياة البشر العاديين المقرفه دي يبقى هننفصل ونحرق
العقد اللي بينا وخدامك كلهم هيبقوا خدامي والفلوس والعربيات والڤيلا كل ده هيرح وترجع من الصفر تاني
ولو هي وافقت بكده مبروك عليك خلف وعيش حياتك بس انا مش هسمحلك غير بولد واحد ومش هيكون
اللي في بطنها دا اللي في بطنها كده كده هينزل وعشان انا حبيتك بس مش هخلي حد من الجن يأذيك .
واختفت مليكه. وفضلت افكر كتير اوي هل هعرف ابدأ من الصفر تاني هل صافيه بنت الأكابر هترضى تبد
معايا من الصفر تاني هل هترضى تكمل معايا تاني اصلا بعد ما تعرف اللي بعمله كل دي اسئله في دماغي واجابتها عند صافيه بس. وروحتلها .
عمران: صافيه.
صافيه : اي يا حبيبي.
عمران: كنت عاوزك في موضوع كده.
صافيه : خير يا حبيبي في أيه ؟
عمران : انتي لازم تعرفي اني بحبك اوي ولازم تعرفي حقيقتي.
صافيه : حقيقة ايه.
عمران : انا هحكيلك وحكتلها كل حاجه.
صافيه برعب من اللي سمعته: يعني انت دجال وعندك جن لا ومش بس كده ومتجوز جنيه يعني فلوسك اللي
معيشني بيها حرام يعني انت كافر وانا متجوزه كافر انا بجد مش مصدقه اني حبيت واحد زيك.
عمران: اهدي بس يا حبيبتي كنت عيل ومش فاهم حاجه انا كده كده هنهي الموضوع ده بس هتقبلي تبدأي
معايا من الصفر تاني.انا عارف ان صعب تسامحيني دلوقتي بس خلي عتابنا بعد ما نخلص من المصيبه دي.
صافيه : حاضر يا عمران انا هنزل اللي في بطني بس اياك حد من الجن بتوعك دول يقربلي .
عمران: محدش يقدر يأذيكي طول منا عايش متخافيش.
وبعد يومين روحت انا وهي لدكتور اعرفه ونزل البيبي فعلاً وبعدها اتفقت مع مليكه تخلص كل حاجه
وتخلصني من الماضي بتاعي الاسود وفعلاً العقد اللي كان بيني وبين مليكه اللي كتبناه ب الدم اتحرق
ورجعت للصفر تاني بس امك مسابتنيش.
باعت كل المجوهرات بتاعتها اللي كنت بجيبهالها واللي كانت عندها واديتهوملي جبنا شقه صغيره وفتحت
مصنع بلاستيك وكبرت واحده واحده والمصنع بقا اتنين وتلاته وفي يوم عرفنا ان امك حامل فرحنا جدا والفرحة مكنتش سيعانا وكنا بنعد الأيام لحد ما جت
لحظة انك تشرف الدنيا كنا اسعد اتنين على الارض وانا وامك بنحبك اكتر من نفسنا وبنخاف عليك من الهواء بس معرفناش نقرب منك..... وسكت ابويا شويه
وشوفت في عينو دموع بيحاول يخبيها عني خدته في حضني وقولتله: **** يخليكوا ليا انا مقدرش اعيش منغيركم انتو سندي وظهري في الدنيا دي .
عمران: **** يخليك يا بني. المهم مليكه اتجوزت واحد
من الجن وخلفت بنت اسمها حور دي اللي بتطلعلك
وللاسف هي حبيتك ومستعده تعمل اي حاجه عشان
مفيش بنت تقرب منك وكانت هتأذي منه فعلاً بس
طالما دخلت البيت هنا مش هتقدر تظهرلها حتى بس انا هتصرف.
محمد: هتعمل اي يا بابا.
عمران: متقلقش انا هتصرف .
تابع.......
"الجزء السابع"
ودخل ابويا اوضته وقفل عليه الباب وسابني في حيره
شديده.
دخلت لمنه اطمن عليها .
خبطت على الباب وسمحتلي ادخل.
محمد: عامله اي دلوقتي يا منه.
منه : كويسه .
محمد : مالك في حاجه حصلت تاني ؟
منه : انا سمعت كل حاجه بباك قالها يا محمد .
محمد : انتي كنتي بتتسنطي علينا؟
منه : غصب عني و**** بس كان لازم اعرف ايه الموضوع.
محمد : طيب على العموم كنت هحكيلك مش مشكله.
منه : انا اسفه يا محمد.
محمد :حصل خير.
منه : كنت عاوزه اقولك على حاجه.
محمد : قولي.
منه : انا بحبك.
محمد بسعاده : ايه قلتي أيه.
منه بضحك وسعاده : لا خلاص هي مره واحده.
محمد : عشان خاطري كمان مره .
منه : لا هي مره وخلاص وسع بقي .
محمد : انا كمان بحبك.
وخدتها في حضني اول مره احس ان حد بيحبني
منغير سبب منغير ما يحب فلوس اهلي معايا.
ودخلت امي من الباب.
ماما : ينهارك اسود يا محمد جايب بنات البيت هي حصلت لكده.
زقيت منه بعيد وطلعت أجري مهو الشبشب مينفعش
ينزل على قفايه قصادها برضه.
محمد : اهدي بس يا ماما بنات ايه دي منه .
ماما : يعني ايه يعني منه ايه كلبه منه دي ولا ايه.
منه: انا يا طنط **** يسامحك.
وقفلت الباب قبل ما الشبشب يلزق في وشها وفضلت
اضحك ووقعت في الأرض مقدرتش اكمل جري بصراحه.
ماما : انت بتضحك على ايه و**** لقول لابوك.
بابا : تقوليلي ايه.
ماما : انت هنا طب كويس تعاله شوف ابنك جايب بنات البيت.
بابا بهزار : اومال يجيب رجاله يعني.
ماما : انت هتنقطني تلاقيك معاك امها .
بابا : خد ماما في حضنه وهداها وقالها تعالي هحكيلك
كل حاجه وفعلاً قعدها وفهمها كل حاجه.
ماما : يا عيني يا بنتي يعني ولا انا ولا ابني نسلم من شر مليكه.
طب هتعمل اي يا عمران .
بابا : هحضر مليكه ولو مبعدتش بنتها عن العيال هحرقها .
ماما : وهتحرقها ازاي وانت ممعكش خدام ؟
بابا : معايا الاقوى معايا **** يا صافيه.
ماما: ونعمه ب****.
محمد : انا عاوز اكون معاك وانت بتحضرها .
ابويا بغضب شديد : لا واياك تفكر انك تبص عليا حتى لو لاقيت الاوضه بتولع متفتحش الباب انت فاهم.
ماما : اهدى بس ياعمران انا قاعده معاه وهو مش هيتحرك من هنا .
بابا : انا داخل ان شاء **** خير.
ماما: قوم انده للكلبه اقصد لمنه خليها تقعد معانا واهو ب المره اشوف مرات ابني قوم يلا.
محمد بضحك: حاضر يا ماما.
محمد : تعالي يا منه اقعدي معانا .
منه: ده فخ عشان تطير شبشب امك في وشي صح .
تابع........
"الجزء الثامن"
محمد : لا متخافيش اخرجي بس.
منه : ماشي ازيك يا طنط عامله ايه.
امي ست جميله ومحترمه ف اواخر الخمسين زي ايويا برضه بس هي تعبانه شويه
ماما : ازيك يا حبيبتي سامحيني على اللي عملته بس
كنتوا في وضع غريب يعني.
منه بإحراج : ولا يهمك يا طنط.
عند ابويا ......
اقسمت عليكي يا بنت قبيلة بني الاحمر اقسمت عليكي
يا مليكه ب الحضور الان الساعه الساعه العجل العجل
الأجل الأجل النار النار.
وفاجئه الاوضه اتهزت هزة بسيطه وحراره شديده
ضربت في المكان.
مليكه: عاوز ايه يا عمران بعد كل السنين دي .
عمران: احنا كان في بينا اتفاق وانت محترمتيش
الاتفاق ده.
مليكه : ازاي ما انت لحد دلوقتي عايش ومبسوط ومفيش
حد من الجن اذاك ولا انا حتى ظهرتلك تاني .
عمران : وبنتك اللي انت مسلطاها على ابني لو حد
لمس شعره منه يا مليكه انا هقلبها جحيم على الكل
وانت عارفه انا ممكن اعمل ايه ومش محتاج جن
وانت عارفه.
مليكه : عملت اي حور .
عمران: بنتك بتظهر لأبني من وهو عيل وحكالها كل اللي حصل.
مليكه : انا مكنتش اعرف حاجه عن الموضوع ده اوعدك هيخلص .
عمران : اتمنى وفي اسرع وقت.
اختفت مليكه.
مليكه بغضب شديد : حور يا حور.
حور: نعم يا ماما.
مليكه : ايه اللي بيخليكي تظهري لبن عمران.
حور : مين ده.
مليكه : بطلي لف ودوران.
حور بشر : عشان احرق قلبه على ابنه زي ما حرق قلبك.
مليكه : انت مالك انت انا خدت حقي منه .
حور : انا بتعذب كل ما اشوفك بتحميه ومش قادره
تظهريله حتى وبتفضليه لحد دلوقتي
على ابويا مع انه راح اتجوز انسيه.
وابويا مش قادر يعملك حاجه عشان قوتك
ومكانتك.بس انا مش قادره اسكت.
مليكه بغضب : حور لو ظهرتي في حياة محمد بأي
شكل من الأشكال او لحد هو يعرفه او لو ظهرتي لبشر
اصلا هحكم عليكي متخرجيش من تحت الأرض ابدا
انت فاهمه.
حور : بس انا حبيته.
مليكه : غلطتك مش غلطتي انتهى الكلام.
بابا : خلاص يا منه يا حبيبتي الموضوع خلص ومش
هتشوفي حاجه تاني.تقدري ترجعي بيتك دلوقتي عادي.
منه : بجد يا عمو انت عملت ايه؟
محمد : يا بنتي هو انا ابويا اي حد ولا ايه.
منه بحزن : **** يخليهُولك.
افتكرت. إن اهلها متوفيين .
بابا : بس متقولش ابويا بس انا ابوك انت ومنه ومنه
من النهارده بنتي .
بقولك اي يا منه.
منه : اتفضل يا عمو.
بابا : بلاش عمو دي قوليلي يا بابا.
منه : حاضر يا بابا.
بابا : من النهارده انت واحده مننا واي حاجه تحتاجيها تجيلي انا او. امك صافيه ولو الواد دا ضايقك تجيلي برضه.
منه : **** يخليك يا بابا.
طيب انا هروح بقا .
محمد : اختك جت ولا ايه؟
منه : لا هتيجي بعد يومين بس قعدتي ملهاش لازمه بقا.
صافيه: و**** لتقضي معانا اليومين دول ومحمد هينام
عند عمر وفي اوض كتير في البيت وانا هكلم اختك واقولها.
منه : لا ملوش لزوم بجد شكرا على اللي عملته معايا.
ماما : بس يا بت بلا شكراً بلا بتاع دنتي مرات ابني. يلا
يا واد قوم روح شوف انت رايح فين يلا.
محمد : ماشي يا ستي **** يسهلك هروح وهرجع الصبح.
ماما: ماشي يا حبيبي.
والأيام عدت والسنين جريت ومنه بقيت واحده مننا
فعلاً واختها بقيت صاحبة أمي هما من نفس السن
تقريباً وبقينا كل يوم لازم نشوف بعض وكل يوم لازم
منه تشوف بابا وماما وبقا عندي 25 سنه وخلصت
تعليم واتخرجت من هندسه واشتغلت وجبت شقتي
واتجوزت فيها انا ومنه مع ان اهلي كانوا عاوزين نقعد
معاهم بس انا حبيت اكبر نفسي بنفسي وابدأ مع منه
من الصفر.
🤍ودي النهايه اتمني انها تعجب حضراتكم 🤍
