فضفضه سبب هجرة الكتاب للمنتدي

🧿 R3D · 13 مارس 2023

مساء الخير جميعا ..

انا ككاتب واجهتني مشكلة كانت من ضمن الاسباب اللي بسببها كنت بتضايق جدا و كنت باخد قرار اني خلاص مش هكتب و كرامتي بتعز عليا ..

هو في اسباب كتير لكن من ضمن الاسباب دي والسبب الرئيسي والعامل الأساسي فيه هو القاريء ..

يعني مثلا يعني اي انا ككاتب الاقي قاريء داخل يقولي في الكومنتات انجز و اخلص نزل الجزء ومعرفش اي ؟

حبيبي هو انا لو بكتب ف مش عشان سواد عيونك ..
انا لو بكتب ف بكتب عشان انا حابب اكتب ..
بوجودك او عدمه انا كدا كدا بكتب ..
ف حابب اقولك ان الاسلوب دا ابعد ما يكون عن الادب ..
ولما تدخل تقولي كدا مفكر اني عاين الجزء في جيبي وحايشه عنك مثلا ؟
بعيدا عن اني محدد معاد ، وحتي المعاد مش مناسب بس عشان خاطر اراضيك باجي ع نفسي وبخلصلك الجزء في معاده عشان حضرتك تبقي مرضي ومبسوط ..

بس اللي لازم تعرفه ان الكاتب وقته مش بإيده ، انت مفكر اني قاعد ٢٤ ساعة فاتح المنتدي وبكتب مثلا ؟؟
او حياتي كلها عبارة عن القصص والكتابة ؟؟
مفيش عندك اي دراية يعني اي حياة شخصية ؟؟
مشاكل ، واقع ، تعليم ، علاقات ؟

المشكلة دي كانت سبب في هجرة كتاب كتير للمنتدي ، بسبب قلة التقدير..

فرجاء طلبا وليس امرا ، طالب منك تـقـديــر وشكرا ..

يرجي عدم حذف الموضوع او نقله لاني لا اعلم في اي قسم يجب المشاركة ، علي اي حال شكرا لتفهمكم 🌹

إبراهيم سالم · 13 مارس 2023

تحياتي لك

غريب عن العالم · 13 مارس 2023

عندك حق انك تزهق بس عادي برده في ناس بتقدر الظروف وفي الي بيدعمك وفي النهايه كلنا بشر بعيوبنا

🧿 R3D · 13 مارس 2023

غريب عن العالم قال:
عندك حق انك تزهق بس عادي برده في ناس بتقدر الظروف وفي الي بيدعمك وفي النهايه كلنا بشر بعيوبنا

عندك حق ، لكن اللي بيقدر ف انت شايف انا بعامله ازاي وبشيله فوق راسي ، لكن النوع التاني دا يقهر بصراحة لو اطول احظره من الموضوع بتاعي كنت عملتها..

غريب عن العالم · 13 مارس 2023

🧿 R3D قال:
عندك حق ، لكن اللي بيقدر ف انت شايف انا بعامله ازاي وبشيله فوق راسي ، لكن النوع التاني دا يقهر بصراحة لو اطول احظره من الموضوع بتاعي كنت عملتها..

أنت كاتب يعني راس مالك دماغك وافكارك
فحاول تخلي دماغك كبيرة

🧿 R3D · 13 مارس 2023