في المنتدى التاني ما كانش ليا صداقات تذكر، ومعرفتش أي حد من الإدارة نهائي، باستثناء بعض كتاب القصص، ومن ضمنهم حضرتك. لقراءتى لكم لأنى من عشاق قراءة القصص، ولما تم افتتاح المنتدى الجديد في نوفمبر 2021، كنت من أوائل الأعضاء اللي شاركوا فيه بحماس، رغم إني ما كنتش أعرف حد وقتها.
ومع مرور الوقت، لحد شهر يوليو 2024، حصل أول خلاف بيني وبين نائب المدير السابق، والنتيجة كانت حظري من المنتدى لمجرد إني وجهت دعوة لأحد الكتاب للانضمام إلى منتدى نودزااوي بعد ما كان ناوي ينسحب من هنا. وبعد الموقف دا، تواصلت مع حضرتك في الخاص، وهناك كانت المفاجأة… كلماتك وقتها كانت مليانة احترام وترحاب ووعي، خلتني أحس إني بتعامل مع شخصية ناضجة، متفتحة، ومثقفة بمعنى الكلمة، بل وأقدر أقول إنها كانت بمثابة مرشدة بكل ما تحمله الكلمة من معنى.
ومن اللحظة دي حسيت إن المنتدى بقى له طعم تاني، وبقى فيه روح حقيقية من التعاون والفكر الراقي اللى كنت دايما بدور عليه. وجودك فرق كتير، مش بس كإدارة، لكن كإنسان عنده وعي واحترام. يمكن البداية كانت مجرد رسالة بسيطة، بس الصدق في ردك هو اللى خلاني أحس إن المكان دا يستحق البقاء فيه. ومن وقتها وأنا شايف إن المنتدى ماشي بخط ثابت ونفس محترف، بفضل قيادتك المتزنة وتعليماتك اللى دايما فيها احترام وتقدير للجميع.
فكل التوفيق ليك في فترتك دي، وإن شاء الـله تكون صفحة جديدة مليانة إنجازات وتعاون ونجاحات ترفع من قيمة المكان ومن روحنا كلنا فيه.
لكن حاجة بس عايز أقولها لحضرتك.. لو أى عضو بعت لك رسالة أرجو الرد عليه عند أول دخول لك المنتدى.. لأن عدم الرد بسرعة بيزعل أعضاء كتير..
مع خالص تحياتي...
