الموقف ده حصل معايا بالفعل من فترة ولكن حقيقي من أغرب المواقف اللي حصلت معايا
الموقف ده من حوالي 5 سنين تقريبا في الرنج ده
جات واحدة جارتنا من تقبة في منتصف الأربعينات أنسة لم يسبق لها الزواج
جات خبطت ع الباب امي فتحت بعد السلام والأسئلة الروتينية بينهم دار الحوار كالآتي
ـ جارتنا :- فلان(اسمي يعني ) موجود
ـ امي :- اه موجود بس ليه
ـ جارتنا :- في صرصار عندي في البيت خايفة منه عاوزاه يجي يموته ( هذا الكلام حدث بالفعل وبالنص وبالحرف)
- امي :- حاضر هو بياكل دلوقتي وهخليه يطلع لك
ـ امي :- اطلع شوفها عاوزة ايه بس ما تطلعش لوحدك خد بنت عمتك الصغيرة معاك ولما تنزل من عندها عدي عليا عرفني انك نزلت (عاوزة تتأكد إني ما طولتش فوق 😂😂😂)
المهم طلعت لجارتنا وبنت عمتي ورايا ع السلم اول ما دخلت شقتها جات تقفل الباب اتفاجئت ببنت عمتي داخلة بتقولي مين دي ف حكيتلها دي بنت عمتي وبعد كدة هوصلها 🙂
جارتنا نفخت من تحت ال**** ونبرة صوتها اتغيرت
مش دي المشكلة
المشكلة اني فعلا كنت بدور ع الصرصار في الصالة وأوضة من الاوض بعدها قالتلي خلاص خلاص مش مشكلة انزل وصل بنت عمتك علشان ما تتأخرش
وإنتهي الموقف هنا
وفي مواقف تاني اغرب من كدة بكتير ممكن احكيها وقت تاني 🤝
