أنا عايز أتكلم عن حاجة مش موضوع كبير أو مهم جداً، بس فضفضة عادية مش أكتر.
دايماً بفكر في السبب اللي بيخلي أغلب المشاكل في علاقاتنا الجنسية تكون إحساس إن في حاجة ناقصة. وأنا هنا بتكلم عن الناس اللي عندهم علاقات مستمرة، سواء متجوزين أو مصاحبين، المهم إنهم على علاقة جنسية منتظمة ومستمرة.
في أغلب الأوقات، وقت الشهوة وأثناء العلاقة نفسها، مش هتحس بالنقص ده خالص. بالعكس، هتكون مستمتع جداً وراضي تماماً، وحاسس إن العلاقة ناجحة لحد كبير ، و إنكم انتوا الاتنين في قمة المتعة، وإن مفيش أحسن من كده .
لكن لما تبقى لوحدك وتسيب نفسك لأفكارك هنا بيبدأ الوهم يلعب، هتلاقي إنك مش راضي فعلاً، حاسس إنها ناقصة، وحاسس إن في متعة أكبر من كده ممكن تتحقق.
أنا بحس إن ده مش هوس جنسي علي قد ما هو إن الشخص سايب دماغه وتفكيره لأفكار وعقليات خارجية. مثلاً، يشوف حد كاتب "أنا عملت كذا ولا كذا"، أو يشوف واحدة عجبته فيها حاجة معينة واشتهاها، ف يحس إنها مثيرة وهتكون أمتع من اللي معاه. ده مجرد وهم صدقه بدون ما يجرب حتى.
طيب، لو جواك حاجة فكرت تقولها للشريك اللي معاك، جربت تعمل اللي نفسك فيه وحاسس إنه هيكون ممتع معاه؟ وأنا هنا بتكلم عن العلاقات السوية، مش أي ميول مختلفة أو غريبة. الإجابة في أغلب الحالات هتكون "لا"، محاولتش حتى تصارح اللي معاك.
ولو فكرت شوية مع نفسك، هتلاقي إنكم فعلاً عملتوا كل حاجة ممكنة في حدود العلاقة السوية، بناءً على قدرتك وقدرتها. فحتى لو روحت مع حد تاني، هتلاقي نفسك في نفس الوضع، مش هيتغير حاجة، لأن ده أقصى قدرة ليك. في الحقيقة، وقت الشهوة، أنت بتحاول تطلع أفضل ما عندك عشان توصل لمتعتك ومتعة شريكك.
مش عارف أنا بقول كل ده ليه أصلاً، غير إني عايز أفوق نفسي شوية، حتى لو بكلام بسيط: ارضى بنصيبك ومتبصش برة، لأن ده مش هيفرق معاك حاجة غير إنك هتخرب دنيتك ، و هتوصل في النهاية لنقطة الحقيقة ان المتعة الحقيقية بين إيدك أنت واللي معاك.
مش برة في الخيال ولا في تغيير الشريك.
أغلب العلاقات اللي "بتفشل" جنسيًا بتفشل لأسباب حقيقية وملموسة زي:
ضعف الانتصاب المستمر
سرعة القذف اللي بتخلي المتعة تنتهي قبل ما تبدأ
مشاكل هرمونية أو نفسية حقيقية
غير الحاجات دي؟ يبقى أغلب الوقت السبب جهل جنسي، أو خوف من الصراحة، أو مقارنة غير واقعية بالخيال.
