لكى تحافظ على العلاقة الزوجية فى الشتاء 😂😂😂
خليك معايا واتبع بعض الملاحظات فى التعاملات الزوجية الشتوية :
مش انت بس لا كل واحدة تقرأها لزوجها و تبعتها لجوزها منعا للاحراج😂
اول حاجة لما تنفض البيت اوعي تيجي جمبها دي ببقي معاها
اسل😂😂😂حة ممكن تنهي بيها حياتك😂😂😂
١- ما تدخلش المطبخ وهي واقفة بتغسل المواعين.. لان ده بيكون زي وقت اكتمال القمر عند المستذئبين يعنى ممكن تتهبر فى ثانية
٢- الشاي.. حاول تقلل من طلباتك لمشروباتك السخنة لان الدراسات الحديثة بتقول ان طول عمرك بيتناسب عكسيا مع عدد مرات وقوف مراتك فى المطبخ في الشتاء.. قلل وقفتها.. تعيش اكتر... معروفة
٣- ما تحاولش تتريق على الستريتش اللي تحت البنطلون اللي فوق البنطلون التالت اللي تحت البيجامة اللي فوق البروڤر اللي تحت الروب اللي تحت الشال اللي حاضن الدفاية... الحاجات دي هي الضمانة الوحيدة انها ما تتعبش وقت مذاكرة الاولاد اللي لو سابتهم لك.. هتشنق نفسك بكوفية في جنش نجفة الصالون
٤- الحذاءالقديم . "لا مش قصدي على اللي نصحك تتجوز" قصدي اللي لابسه في رجلك.. تقلعه اول ما تدخل من باب العمارة احتياطي.. لانك لو وسخت الارض اللي لسة ممسوحة بطين المطر اللي في جزمتك من الشارع اعتبر نفسك من المختفين قسريا لحد رمضان.. وهتظهر في صورة قطع بوفتيك على موائد الافطار
٥- ابعد عنها لمدة ٣ ساعات للغسيل في الشتا.. لان تعرضها لتيارات الهوا البارد وقت النشر مع غسيل المواعين مع مذاكرة العيال بيخلق حالة من الهلاوس البصرية بتخليها شايفاك بطانية تايجر متربة ونفسها تنفضها بالمنفضة او بالس😂كينة ايهما اقرب...
٦- التليفزيون.. احد اكبر العوامل اللي ممكن تنجيك من فترة الشتا وانت مع مراتك... الريموت في ايدها ما تفكرش تيجي جنبه.. هتتهور وتاخده وتجيب ماتش كورة.. مش هتلاقي لعيب واحد يحضر جنازتك..
٧- الاكل.. هتلاقيها بتاكل كتير في الشتا.. ابتسم.. اوعى تعترض... الاكل هو نوع من انواع فشاشان الغلب اثناء فترة البيات الشتوي.. لو حاولت تبدي ملاحظات هي كدة كدة هتاخد احتياجاتها من الكالوريز المطلوبة لاستمرار الحياة... هتقللهم من الاكل = هتكملهم من عمرك.. اشتري عمرك قبل ما يغلى
٨- حاول تبقى منتبه وانت نايم بالليل
... هتقولي ازاي بقى؟ هقولك ما اعرفش.. مش شغلتي... المهم تبقى واعي انك ما تشدش اي بطانية من الستة اللي هي مستغطية بيهم او توقع اي لحاف من اللي بين البطاطين.. لان ده معناه تغيير في درجة حرارة جسمها وممكن يحصل خروج من حالة الثبات وتبقى مجز😂😂😂رة
خلى بالك من نفسكك 😂😂 😂😂
