مش كل عُزلة معناها إن الواحد مش طايق حبايبه.. فيه عزلة تعب.. فيه عزلة ترتيب أوراق، ولملمة ذات.. فيه عزلة أخد نفس عشان الواحد يرجع أقوى تانى فى خناقته مع الدنيا.. فيه عزلة إعادة تقييم للأخطاء اللى فاتت عشان ماتتكررش.. مش كل عزلة معناها إن الواحد استغني أو هيفضل كده للأبد!.. بالعكس.. بنرجع بعد كل عزلة أقوى، وعارفين قيمة نفسنا، وحبايبنا أكتر.. بتعرف مين اللى أعتبر بُعدك المؤقت تلكيكة عشان يبعد بُعد نهائي، ومين اللى استوعب إن بُعدك ما هو إلا مساحة شخصية، وفضل واقف على بابك عشان يسندك لو احتجته.. مش كل عزلة رفض، ولا كل بُعد استغناء.
