العقل 🧠: إلى متى ستبقى هكذا؟
تتآكل ببطء، تتشقق من الداخل،
ومع ذلك… تصمت كأنك خلقت بلا صوت.
ألا تخاف أن يبتلعك وجعك؟
القلب 🫀: أنا أعرف ما يبتلعني…
وأعرف أن الصمت ليس ضعفًا.
لكنه الشيء الوحيد الذي لم يخنقني بعد.
العقل 🧠: تنتظر ماذا؟
أن يقرأ أحدهم احمرار عينيك؟
أن يلاحظوا ارتجاف نبضك؟
أن يشعروا بالليل الذي يسكنك؟
إنهم لا يرونك… ولن يفعلوا.
القلب 🫀: أعرف.
ومع ذلك… أراقبهم.
يضحكون، يأكلون، ينامون بعمق،
وأنا أحتضن نفسي كل ليله
كأنني *** ترك عند باب لعالم لا ينتمي اليه.
لكنني اعتدت هذا الظلام…
صار مألوفًا، أقرب إليّ من أي ضوء.
العقل 🧠: وهل تنتظر شفقه؟
فتات اهتمام؟
لحظة عابره يلتفتون فيها إليك؟
كل هذا لا يحيي أحدًا.
القلب 🫀: أنا لا أبحث عن حياه.
أنا فقط أحاول ألا أنهار فجأة… أمام أحد.
العقل 🧠:
إذاً اصرخ!
مرة واحدة فقط.
اخرج كل الوجع، اكسر هذا الصمت،
اترك ما في داخلك ينفجر قبل أن يميتك.
القلب 🫀: اصرخ!!
لا.
لن أصرخ.
الذي يصرخ… يطلب نجده،
وأنا لا أريد أحدًا.
وجعي الذي اخرجه… يعود أشد.
الصمت على سواده… هو الشيء الوحيد الذي يبقيني واقفًا.
العقل🧠: ولكنك تموت ببطء.
القلب 🫀:
دعني أموت كما أشاء…
واسكت أنت.
لأن صوتك هو الشيء الوحيد
الذي ينهيني أكثر مما ينقذني.
اصمت ارجوك... فصوتك هو ما يذكرني بوجعي الذي لا انساه 💔
القلب (داخل مولّع):
يا عمّ العقل… إنت مالك ماسك العصاية من النص؟!
الراجل رجع معتذر… وأنا عايز أرجعله، سيبني أعيش!
العقل (واقف عامل فيها كبير الحارة):
تعيش؟! تعيش إزاي وانت اتفرمت آخر مرة؟
ولا نسيت اليوم اللي كنت قاعد تعيط زي العيال وأنا اللي لملمتك؟
القلب (يزقّه):
أنا اللي بتوجّع… مش إنت!
إنت طول عمرك ناشف وبارد… ما تعرفش يعني إيه حد يرجعلك!
العقل (بيعض شفايفه ويقرب):
وإنت طول عمرك هبّاش… تجري ورا أول كلمة حلوة!
هو قالك آسف؟ طب ماشي… بس الأسف لوحده ما بيبنيش بيت يا واد!
القلب (مولّع أكتر):
أنا مش قادر! لو سبته هتعب… ولما يرجع قلبي بينط!
سيبني أرجعله!
العقل (يشدّه من هدومه):
هتجري له تاني؟!
طب فاكر وجعك؟ فاكر دموعك؟ فاكر الليالي اللي كنت بتقولي “خلّيني أنسى”؟
ولا دي كمان هتعمل نفسك مش فاكرها؟!
القلب (يضربه بخفّة):
ما تضغطش عليا!
مش كل مرة لازم تبقى أنت الصح… ساعات الحب يكسّب يا عقل!
العقل (يزقّه جامد):
آه… الحب يكسب، بس لما يكون قدّام حد يستاهل.
إنما انت عايز ترجع لحد لو ماسك سكينة… يقولك معلش ويولع فيك تاني!
القلب (ياخد خطوة لورا، بس صوته عالي):
طب اسمع…
إديني فرصة آخيرة، وهقفش أول غلط منه… بس سيبني أجرّب!
العقل (يقف قدامه ويزومّ):
هتجرّب… بس مش لوحدك.
أنا فوق دماغك، فاهم؟
أول علامة، أول خدعة، أول كلمة شبه زمان…
هشُدّك من ودانك وأطلعك جاري!
القلب (ياخد نفس ويفتح صدره):
ماشي…
بس سيب الإحساس يمشي قدّام المرّة دي.
العقل (يلف ويدّيله ضهره):
يمشي… بس على مهل.
ولو غلط… هتبقى معركتنا الجاية معاه… مش بيني وبينك.
