لا شيء بدأ.
ولا شيء انتهى.
فظيعه
هناك فقط تسرب الأشياء في فراغ بلا وزن.
مش عارف بصراحه بس فكره استخدامك مصطلح فراغ بلا وزن...ده يدل علي ثقافه فيزيائيه بالفراغ الكمي وفراغ العدم وثُق الهواء في الفراغ والضغط والحاجات بتاعه علمي علوم ديه...وبعيدا عن كونه بيعبر عن ثقافتك الشخصيه...انتي كده طلعتينا للفراغ الاوسع الغير محدود او غير مدرك اللي هو فراغ ما خارج الاتموسفير الارضي...يعني اللله واكبر عليكي مش مكفيكي اللي بتعمليه فينا بكلامك علي الارض شطحتي بينا كمان لمنشأ الاكوان ....ادعي عليكي واقول ايه بس ؟ 😟
ايون...اتفضلي اتفضلي
يعني لو هاقول اللي جه في بالي ...انك تعمقتي في الفراغ بزياده مش حبتين تلاته ده انتي شطحتي لما استخدمتي كلمه لا ذكري...لما قريتها للمره السابعه يعني اصلا انا قريتها يمكن سبع مرات قبل ما اعرف ارد..ياعيني عالصبر ....المهم استحضرتني جمله كاظم بيه الساهر...ان الانسان بلا حزن ذكري انسان....فانتي فرغتي كل حاجه حتي مجرد الذكري اللي هو فرغتي حضوره كانسان من اساسه...يعني ما بين الفضاء وانعدام كونه انسان ...تشلوحنا الست ليل....يعني جايبه الناهيه...بسم اللله ماشاء اللله...😟
فقط ظل يتكون من غياب مستمر.
شوف ازاي...يعني الظل معروف تكونه بوجود جسم مادي...لكن يتكون من غياب روح وجسد ..يا ايها الخالق ...انا بجد مش عارف بتجيبي العمق ده كله منين ولا ايه كميه الغور اللي جواكي علشان تطلعي منه الكلام ده...🫥
الهوان ليس إحساسًا…
هو حجر عائم في بحر ساكن،
حجر...وعائم...انا اصلا مبقاش عندي كلام عارف اعبر بيه عن اللي انا عايذ اقوله اصلا...وحاولت وفعلا ملقتش ...واللي هو لو كتبت كلمتين من تحت علي اجمالي المكتوب ده يبقي بختذل حقه قوي بصراحه قوي قوي كمان...بس هاقول ايه رربنا يباركلك...بالرغم من الفرهده اللي انا فيها ديه...بس عليم اللله ابداااااع ..
كل موجة تختفي قبل أن يلمسها شيء،
ده دليل علي اتسااااع البحر اللي هو انسي ان الموجه توصل لبر..اللي هو يعني اصلا بحر ملهوش شط...👏👏👏👏
وبالرغم من اختفائها قبيل اصطدامها باي شط يحد هذا البحر الساكن اللي هو الانسان الموصوف في الخاطره...الا انها بتحفر فيه من شدتها وطول فترتها الزمنيه مضيا علي جنبات المياه بلا مدرك لارتطامها...يعني موجه مش سهله دي عنيفه وممتده الابعاد..يعني انا قربت الطم من كميه الابداعات اللي جوه الكلمات القليله ديه..
من غور العمق..فمحدش هايستشعر بوجودها من اساسه...😟
بالرغم انك فوق لغيتي الوجود المادي للجسد والروح وحتي الذكري وتبقي منك ماهو ظل يتكون من الغياب المستمر ...الا انه رجوعك تاني لاستخدام التوصيف المادي للحدود...مينفعش يكون حدود ماديه....اعتقد انه ترسيم للحدود الفراغيه الغير مرئيه..واللي هي اصلا لو هانقول ان البحر الساكن اللي بلا شطئان ده هو الحاله..فاصلا الناس بالفطره مينفعش تقرب..بالكتير بتعدي وتتنسم نسمات المياه الداله علي وجود مجتمع مائي غير مرئي وغير مدرك جنباته...
كنسيم يمر بين نوافذ مغلقة،
لا يترك أثرًا،
ولا يأخذ شيئًا…
إلا الضوء الذي لم تلاحظه أصلاً.
انا متلخبط في الضوء ده...هل هو كنايه عن ضوء الروح المنير او اللي كان منير وبدأ في البهتان ؟ اذ ربما...اللي هو كل ما بيعدو وهم مش شايفينك بيخلوك تطفي بزياده؟ واللله منطقي...ولو هو كده..يبقي شابوووووه من هنا للصبح بقي علشان مفيش حيل اكتب اللله يسامحك 😟
قلبي؟!!
أصبح كهفًا،
أعمق من تاريخ أي ضوء،
رجعنا تاني للفضاء بقي وجبتيها من تارييييخ اي ضوء يعني كميه عمق الفراغ لا تُستوعب عقليا 😭
اشجيني ياختي اشجيني...
طبعا تاريخ بقي...
اييييييييييي.....هو ميت بعدم ولادته...كحيز فر فراغ بعمق ازل التكوين...مائت بعدم خروجه للحياه من البدء...انا هافسرها كده ومليش دعوه بقي قصداها ولا لا..🤭
والنجمه وانا كنت اظن اني عاقل 😕...شابووووه يا عم...يخربيت كده يا شيخ..
لكنه فراغ يبتلع كل محاولة للتشبث.
رجعنا للفراغ اللي بلا وزن اللي هو حرفيا هايبلع اي مجرات اصلا....شابوه بجد
اللمسة
الدفء
حتى الأسماء
صارت مجرد رموز على جدارٍ
لا أحد يراه إلا الظل نفسه.
يعني بصي للامانه المرجحه اللي انتي عاملاها من وصف وتوصيف فراغ اللاوزن وكهف بعمق بدايه اي ضوء لترسيم حدود نوعا ما مستوعبه للرجوع تاني للظل اللي بيتكون من غياب اصلا لكل ما يمكن ان يكون انسان...يعني اللله اللله اللله اللله بجددددددددددددد...
أنا لم أتهشم،
لم أُستبدل،
لم أمحى…
لم امحي مع الاقرار سابقا بالغياب لكل مقومات ماهو انسان حتي بغياب الذكري...ده نظام شد وجذب للصوره في تخيل الحاله رهييييييييييييب ..شابوووه بجد عليه
أنا ببساطة صرت صدى الفراغ،
مزيدا من العمق في تعميق الحاله اكتر ماهي عميقه اصلا
لاتساع المحيط وعدم وجود شطئان يعني عدم وجود يابسه يعني مفيش مجال للتردد كصدي هو صدي بس سابح للا منتي...اللله..
ماهو في طريقه الي اللا نهائيه
تاكيد لحاله الموت الذي لم يحدث بعدم ميلاده اصلا
👏👏👏👏
كل شيء بداخلي صار لا شيء،
احلي حاجه في كلامك انه بيجيبنا او بيجيبني يعني علي الاقل من قمه اللانهائيه وقمه البعد والعمق بيحطهم كلهم بمدركاتهم ان أُدركو اصلا جوه جسد...وديه قمه في القدره علي التحكم بالكلمات والمشاهد وتوصيف الحاله....
وكل شيء خارجي صار مجرد انعكاس
داخلين علي كوووم تاني خااالص غير الكووم اللي عدي...
على سطحٍ بارد
لم يلمس أحدًا قط.
المفروض ان ده الفراغ الداخلي اللي لم يدركه احد وبالتالي استخدمتي لفظ اللمس لتقريب التشبيه...
وكأنك لم تأتي
لانك لم تأتي
فراغ الانتظار
شيء يعرف كل الطرق إلى الهلاك،
👏👏👏👏
مزيد من الانتظار والمضي في ابعاد اللا نهائيه دون تلمس اليابسه القادره علي تكثيف ماهو غير مادي لجعله مادي وحي
شيء صامت…
لا يسمع،
ولا يُسمع... 🖤
بامانه لولا خايف تزعلي ..لكنت حرفيا اتحسبنت فيكي من كميه الجمال والروعه والعمق والاداء اللي كلامك بيوديني فيه...
يعني انا وعمال اقري ديه...بامانه رربنا قلت انا كان مال امي انا كنت قلتلها ليه ترجع تنزل خواطر تاني مكان اتقطع لساني ولا قلتلهاش كده..ياباااااااااااااااااااااي 😭😭😭😭..
بجد بجد بجد فعلا حرفيا بحق وحقيقي وعن جد...مش عارف اعبر عن مدي الروعه اللي بياخدني فيها غور كلامك...
وللامانه انا معرفش هل انتي تقصدي كل حاجه زي منا شايفها كده ولا في رؤي تانيه كمان انا موصلتلهاش...بس في الاجمال...انا مؤمن تماما ...ان الكلمه بتوصل لكل واحد بشكل معين مختلف عن التاني...وبقدر ما انا متمرمط من التأمل في عميق كلامك اللي بيطلعني للحتت اللي انا وصفتها من رؤيتي...لكن بجد بجد وبعيدا عن الهزار....انا بشكرك بجد...وادعو من العلي ..ان يرشدك لطريق راحه نفسك وسلام روحك والتئام قلبك....وياريت..ورجاءا...متحرميناش من سحر الكلمات بتاعتك..
تحياتي ...
