ثقافة مقالي عن تاريخ دولة المواطنة في الغرب

في تاريخ الغرب واروبا في العصور الوسطى كان الوضع عندهم زي عندنا دلوقتي كان فيه حروب مستمرة بين الدول الاروبيةوقيود شديدة على الحريات الجنسية وكان الحاكم هو ظل اللة على الارض وكان هناك حكم الفرد والحق الالهي للملوك والحاكم هو المسؤل فقط عن الدولة ويصدر قررات بدون اي مراجعة او محاسبة لا من الشعب ولا من رجال دولته دة طبعا غير سلطة الكنيسة فكان الحكم في العصور الوسطى هو خليط من حكم الفرد الاوتوقراطي بالاضافة الى الفاشية الدينية وكان فيه دايما اضطهاد للاقليات فكانت دول البروتستنت بتضهد الكاثوليك ودول الكاثوليك بتضهد البروتستانت يمكن اشهر مذبحة حصلت للبروتستانت في فرنسا هي مذبحة عيد القديس برثولماوس الي اتقتل فيها 30000 قتيل ومن عجائب الاضهاد الديني حصلت في انجلترا فهنلاقي الملك هنري الثامن لما حب يطلق مراته كاترين ارجون قريبة الملك شارل الخامس حاكم الامبراطورية الرومانية المقدسة الي اجبر البابا على منع هنري الثامن من طلاق كاترين اروجون الكاثوليكية والزواج من انا بولين فقام هنري الثامن بتحويل انجلترا من الكاثوليكية الى البروتستاتينية وكان له بنتين فقط الي عاشوا لحد ما مات الاولى ماري والثانية اليزبيث وبعد موت هنري الثامن بتبقى ماري ملكة انجلترا ولانها كاثوليكية متعصبة زي والدتها فهترجع تاني تخلي انجلترا كاثوليكية وهترتكب مذابح رهيبة للبروتستانت لدرجة انها سميت ماري الدموية ولما تموت هتيجي الملكة اليزبيث وترجع تاني المذهب البروتستانتي وتضهد الكاثوليك وفي المانيا هتقوم حرب الثلاثين عاما بين الكاثوليك والبروتستانت هتشترك فيها كل البلاد الكاثوليكية ضد البلاد البروتستاتينية وهتنتهي الحرب بصلح ويستفيليا الي هيصنع اول مبدا من مبادئ المواطنة وحرية الاعتقاد الديني ويتتنهي في اروبا الحروب الدينية واضهاد الكاثوليك والبرتستنت وقامت حروب بعد كدة في اوروبا على فكرة بس مش على اساس الاضطهاد الديني باستثناء طبعا مذابح الهلوكوست لليهود فصلح ويستفيليا كان بداية مرحلة جديدة زي مراحل مهمة عديت بيها اوربا قبل كدة زي عصر النهضة وعصر الاصلاح الديني وعصر الثورة والحربين العالميتين الاولى والتانية والحرب الباردة وكل مرحلة كان بيحصل فيها اصلاح تدريجي ومكسب ما بيتمش الاستغناء عنه فاروبا والغرب الي شايفينه متطور ومتقدم كان متخلف زيينا في يوم من الايام ومع النضال والكفاح المستمر قدر يحقق نجاح وتقدم تدريجي ومكاسب في كل فترة لحد ما وصل للتقدم والازدهار الموجود دلوقتي

اضغط لقراءة المزيد...