مشكلة مدمن إنجازات

[هاني ويل]

كانت مشكلتي من وانا صغير اني مدمن إنجازات. جزء من المشكلة دي ناتج لتربيتي الأسرية وجزء منها لاني وانا صغير كنت بقرا عن أساطير بشرية حققوا إنجازات كتير في عمرهم. اللي هو انا لازم اخد حزام اسود في الكاراتية واتعلم برمجة واتكلم سبع لغات حية وميته وبتطلع في الروم واسافر العالم كله وابقى مهتم بشكلي واسرتي. واكون بعرف اطبخ وارقص واغني وامشي على الحيط. واحضر دكتوراة وافهم في كل حاجة من علم السموم لحد الاتيكيت الخاص باكل الكافيار. واكون حبوب وجاد وساحر ومنصب كبير وفلوس كتير وشهرة محصلتش
طبعا احلامي دي كلها كان ليها عوائق مادية وجسدية وعقلية بل ومجتمعية. لكن في أول عمري مدفوع بحماس الشباب والتركيز قدرت أحقق إنجازات كنير قوي. يمكن حاجات قبل ميعادها كمان. بعدين عملت زي الأرنب في سباق السلحفاة. قولت اريح حبة. شوية شوية لقيت الدنيا بتتغير حواليا واي انجاز بيحصل بالعافية وناس كنير سبقوني. منهم سلاحف حرفيا. فبقيت مضايق اكتر. اه يمكن اكون بالنسبة لناس كتير في سني لازلت انسان ناتج
بس لما بختلي بنفسي في المراية بقول لنفسي انت متأخر. متأخر كتير
مين عنده نفس المشكلة؟

اضغط لقراءة المزيد...