مساء الخيرات انهارده حبيت اتكلم عن حاجة تسمى بالحكمة والشخص الحكيم
اتمنى الكلام والموضوع يكون موفق ويعجبكم.
يعنى ايه حكمة ؟
الحكمة هى حالة أو صفة بنقدر من خلالها نميز الشئ المقبول والشئ الغير المقبول الشي اللى ينفع يعمله أو منعملوش وبيبقى معاها حكم عادل وبصيره نفاذة لاى موضوع بتقدر من خلال الحكمة نشوف ابعاد الموضوع كله بشكل اوضح
الحكمة بتيجى من خلال المعرفة وبتخلى الواحد تصرفاته وكلامه بيبقى بشكل منطقى وينتج عن ده اقوال والافعال بتبقى صحيحة .
الحكمة صفى بتكتسب من خلال التجارب والخبرة من خلال المواقف اللى بتمر عليك فى حياتك وبتتعلم منها وتستفيد بيها الحكمة هى انك تعرف تحكم حكم سليم
الحكمة بتدل وتجمع بين ثلاثة أشياء
الذكاء -المعرفة - الخبرة
ودائما الحكمة لتستخدم لتحقيق الخير للإنسان ولجميع الكائنات المتواجدة لتستخدم أيضا فى تحقيق التوازن ما بين العلاقات الشخصية والبيئة المحيطة للإنسان وباستخدام أيضا فى تحقيق مصالح شخصية متضرش حد
مميزات الحكمة..
يمتاز الشخص الحكيم بأنه بتمتع بقدر كبير من المعرفة والخبرة والفهم العميق اللى يخليك تبقى متسامح ومتوازن فى نفس الوقت .
من مميزات الحكمة أيضا أنها تشمل كل الخبرات الإنسانية اللى تم التعرف عليها منذ القدم بس من الرغم من ده مش كل التجارب تخليك تكتسب الحكمة دى .
لان اجمل حكمة هى اللى بتبقى ناتجة عن جميع العمليات العاطفية والاجتماعية والعلمية والمعرفية اللى بتخلى الإنسان وتعزز عنده أن الخبره تتقلب إلى حكمة.
ايه هى مواصفات الشخص الحكيم؟
يتميز الشخص الحكيم عن باقى الأشخاص بعدة صفات
- مش شرط تكون مرئية للناس بس بتظهر من خلال التصرفات وتعاملاته وأفكاره الخاصة .
-يمتاز أيضا الشخص الحكيم بقدرته على التفاؤل بالحياه وقدرته على حل المشاكل اللى بتواجهه
-يمتلك أيضا قدرة كبيرة على الهدوء فى اتخاذ القرارات المصيرية والصعبة
-يمتلك يضا أنه دائما يرى الصورة الكبيرة للأمور وبالتالى يقدر يفسى الأمور اللى بتدور من حوله
اتمنى اكون موفق فى الموضوع ولكم منى اجمل وارق التحيات والتقدير والاحترام
