بجد مستغربة.....بقالي فترة بلاحظ حاجة غريبة…
إزاي ناس أول ما يشوفوا إنك موجود/ة في
منتدى معيّن ع طول يحطوك تحت المجهر ويحكموا عليك حكم ابدي!!
طب هو إيه دخل المكان في الشخص أصلاً؟
أنا عن نفسي موجودة هنا في قسم الفضفضة… بتكلم عادي، ومواضيعي عادية جداااا
ومش ببرّر وجودي ولا فارق معايا مين يشوف إيه أو يفترض إيه…عاااادي
بس في شوية ناس معينة حابة أوصل لهم كلام محددد
يا جماعة… وجود حد في مكان مش معناه إنه جزء من كُل اللي فيه.
مش كل اللي يدخل مكان يبقى نواياه زيه.
ومش كل واحد يعدي من قدّام باب يبقى لازم يدخل جوه
فيه ناس داخلة تهزر،، ناس داخلة تراقب، ناس داخلة تفك عن نفسها… وناس زيي موجودة في قسم معين ومالهاش أي علاقة بالباقي خاااالص
ومع ذلك… اتصنفنا واتحكم علينا لمجرد “المكان "
ليه ما نفهمش إننا على الإنترنت…
احنا بشر…
ومفيش مكان في الدنيا ممكن يختصر شخصية حد أو يحكم عليها.
زي الشارع، فيه مليون باب، وكل واحد له طريقته وحدوده ومساحته.
ومحدّش مُجبر يبرّر وجوده لحد.
الفكرة كلها قببببببل ما تحكم… اسمع، واقرا، وفهم. يمكن تكتشف إن اللي قدامك مختلف تمامًا عن اللي أنت متخيّله...
رقــــــــــــــة
🌷
