ثقافة قصة اغنية يا بلح زغلول

لما قامت الحرب العلمية الاولى في 1914 انجلترا وضعت الحماية على مصر وقضت تماما على تبعية مصر للدولة العثمانية واخدت بالقوة مصررين كتير واجبرتهم انهم يشتركوا في الحرب مع انجلترا في الحرب العالمية الاولى وفرضت ضرائب ومسكت مصر خلال فترة الحرب بالحديد والنار وانجلترا وعدت المصررين بالاستقلال بعد الحرب العالمية الاولى ما تخلص وخلصت الحرب سنة 1918 وانجلترا خرجت منتصرة فقام سعد زغلول ومجموعة سمت نفسها الوفد بالسفر بعد الحرب لمؤتمر فرساي (مؤتمر الصلح بباريس) علشان يفاوض انجلترا على استقلال مصر وخصوصا بعد ما الرئيس الامريكي ودورد ويلسون ما وضع حق تقرير المصير لشعوب العالم من ضمن 14 بند للسلام العالمي وراح سعد زغلول علشان يقابل السير وينجت المعتمد البريطاني في مصر لكن انجلترا في النهاية ما عجبهاش الكلام وما رضيتش تدي مصر استقلالها واعتقلوا سعد زغلول ومنعوا ذكر اسمه تماما في اي صحيفة كأنه لم يكن فقامت ثورة 1919 والناس هاجت في مصر وكانت ثورة فيها كل اشكال المقاومة سواء السلمية او العنيفة والناس راحوا قطعوا خطوط السكك الحديد وهاجموا المصالح البريطانية في مصر وعلى الجانب الاخر كان فيه ناس قاومت مقاومة سلمية وخرجوا في مظاهرات سلمية وكان من ضمن المقاومة السلمية اغنية يا بلح زغلو فبديع خيري الف الاغنية وسيد درويش لحنها وبقيت اغنية بتتغنى وبيغنيها اغلب المصريين وبتشتغل على اسطونات في مصر كلها الناس كلها كانت بتغنيها خلال احداث الثورة كنوع من انواع المقاومة السلمية فبرغم ان انجلترا اعلنت الاحكام العرفية وقبضت على ناس كتير واستخدمت القمع المفرط علشان تقمع الثورة الا انها مش ممكن تقبض على ناس بيغنوا للبلح الزغلول وبعدين مصر كلها كانت بتغنيها فمش ممكن يقبضوا على كل دول وفي النهاية نجحت ثورة 1919 ورجع سعد زغلول وتم اعلان استقلال مصر في فبراير 1922 وتم عمل اول دستور لمصر في 1923 وتم انتخاب اول برلمان في مصر سنة 1924 وتم تشكيل اول حكومة منتخبة برأسة سعد زغول في نفس العام ونجح نضال المصريين في انهم ياخدوا حريتهم و يستقلوا من الاحتلاال الانجليزي الشامل لمصر وان كان الانجليز فضلوا في منطقة القناة الا انهم انسحبوا من اغلب المناطق المصرية ما عدا منطقة القناة

اضغط لقراءة المزيد...