فضفضه فضفضه ميكروباص

[Alessandro Massimo]

طلعت من البيت على الشغل، ركبت عربية مع سواق باين جدا انه مبرشم.. مبرشم حرفيا .. وشه متأثر قوي بالبرشام.. ركبت قدام.. انا وهو لوحدينا..

العربية حملت وطلعنا.. دفعتله خمسة جنيه.. واداني اتنين ونص.. شوية بتاع كيلو كدا.. قالي انت خدت الباقي بتاعك قلتله اه .. قالي لا مخدتوش.. قلتله و**** خدته.. قالي متحلفش.. انت مخدتوش.. روحت مطلعله الاتنين ونص من جيبي قلتله اهو عشان تصدق.. قالي لا متضحكش عليا .. متطلعش فلوس من جيبك وتقولي اهي.. انت ليك 2 ونص.. قلتله بس انا و**** خدتها حرام اخد فلوس حرام.. قالي ومش حرام تزعل اخوك بصلة.. قلتله طيب يريحك ايه.. قالي تاخدهم مني.. قلتله هات.

شوية بشوية .. قعد يمشي يمين وشمال.. خبط في عربية ملاكي وزنق ع عربية ميكروباص.. فالاتنين نزلوا وجوله كل واحد ع شباك.. واحد قاله انت خبطت فيا وواحد قاله انت زنقت عليا.. سابهم وبصلي قاللي "هما بيكلموك انت ولا انا يا استاذ".. قلتله انت اللي سايق يعني بيكلموك انت.. قالي بيقولوا ايه عشان سامعهم بيصوصوا مش بيتكلموا.. قلتله بيقولوا انك زنقت عليهم.. قالي ما انا قاعد جنبك اهو ولا نزلت من العربية ولا زنقت ع حد.. بذمتك انا اتحركت من العربية..

يا استاذ بصلة هو قصده ان العربية هي اللي زنقت على العربية بتاعته.. قالي طيب وهو بيكلمني انا ليه ما يكلم العربية.

مسكت نفسي من الضحك شوية.. مشي 200 متر وقالي .. هو احنا كنا بنتخانق مع الناس ليه.. قلتله متشغلش بالك دا حاجة ليها علاقة بمصاريف المدرسة وانا حليتها..

قالي طيب انا اديتك باقي الاجرة بتاعتك.. قلتله اه مرتين .. ادتهالي مرتين.. وبص قدامك هنلبس في العربية اللي قدامنا.. قالي يا استاذ متضحكش عليا.. انا مدتكش الاجرة.. و**** لا تاخدها... يا عم و**** خدتها.. قالي و**** لو مخدتها ما اكلمك تاني.. يا سيدي احسن ما عنك ما كلمتني.. دي بركة لو مكلمتنيش .. قالي يعني هتزعلني ... (زغطة) يا استاذ.. قلتله اه.. قالي طيب طلاق تلاتة لانت واخد.. المهم عشان الطلاق.. خدتهم.. ومسكت الفكة كلها في ايدي..

بصلي كدا بصة شك.. قلت بس فاق بقى وهياخد فلوسه..فقالي بقولك ايه يا استاذ.. قلتله نعم.. قالي ما تجيب الفكة دي وخد الخمسة جنيه الصحيحة.. عشان ادي الباقي للاستاذ اللي جنبك.. اللي جنبي دا اللي هو انا برضه لاني راكب جنبه لوحدي.

وصلت ونزلت..وانا ونازل قالي يا أستاذ ... بصتله .. قالي سامحني بقي في الباقي.. انت شايف اهو مفيش فكة خالص.

احكولنا حصل معاكم ايه

اضغط لقراءة المزيد...

 

[user191029]

حاجه زي كده لو حقيقية فا بصراحه كارثة

 

[Alessandro Massimo]

حاجه زي كده لو حقيقية فا بصراحه كارثة

سعات بتحصل

 

[𝔼𝕝 𝕄𝕆𝕂ℍ....]

ده لو ف طريقي كل يوم اركب معاه 😅

 

[Alessandro Massimo]

ده لو ف طريقي كل يوم اركب معاه 😅

اكيد

 

[زوج راقى فكريا]

قم بتسجيل الدخول أو التسجيل لمشاهدة هذا الرد.

 

[aml alaa]

قم بتسجيل الدخول أو التسجيل لمشاهدة هذا الرد.

 

[مجنونة مطرقعة]

قم بتسجيل الدخول أو التسجيل لمشاهدة هذا الرد.

 

[Alessandro Massimo]

قم بتسجيل الدخول أو التسجيل لمشاهدة هذا الرد.

 

[Alessandro Massimo]

قم بتسجيل الدخول أو التسجيل لمشاهدة هذا الرد.

 

[Alessandro Massimo]

قم بتسجيل الدخول أو التسجيل لمشاهدة هذا الرد.

 

[aml alaa]

قم بتسجيل الدخول أو التسجيل لمشاهدة هذا الرد.

 

[إبراهيم سالم]

قم بتسجيل الدخول أو التسجيل لمشاهدة هذا الرد.

 

[ayaat2]

قم بتسجيل الدخول أو التسجيل لمشاهدة هذا الرد.

 

[THE RED WOMAN]

قم بتسجيل الدخول أو التسجيل لمشاهدة هذا الرد.

 

[الناجى]

قم بتسجيل الدخول أو التسجيل لمشاهدة هذا الرد.