مين من المنتدي شاف مسلسل عائلة الحج متولي و أعجب بشخصية نور الشريف **** يرحمه. طب هل متولى بس الى استفاد من زوجاته؟
خلينا ناخد الكلام مع بعض واحدة واحدة و نحلله علي واقعنا و نتعلم منه. ونشوف ازاى كل واحدة استفادت من متولى
- زبيدة
قدامها بياع خبرة امين شاطر كان ممكن يسرقها لكنه تعفف فهى استفادت من متولى انه انقذها من ضياع فلوسها بعد موت جوزها الاولاني + خلفت منه على الرغم انها قعدت سنين ما بتخلفش + لما هو قالها انه هيتجوز غيرها هى رفضت و قالت عشان خايفة يضيع منها، متولى حقق لها غريزة الامومة و النجاح المالى بخبرته
- امينة
واضح جدا انه اتجوزها وهى سنها كبير وجمالها متوسط وفرص جوازها ضعيفة فهى كانت شايفة فيه المنقذ من العنوسة + معاه *** على الجاهز + متولى فى المرحلة دى رجل غنى اصلا نتيجة ورثه من زبيدة + تجارته الى كبرها و وسعها بخبرته
- نعمة لله
بعد وفاة جوزها هى مش متعودة على الشغل و الشقى هى طول عمرها كانت قاعدة فى بيتها
هانم فلما اتجوزت متولى هى كانت عايزة حد يشيل منها الليلة و يريحها و يبقى اب لبناتها + كسبت عريس لبنتها الكبيرة سعيد و هنا متولى مش اى حد لا ده تاجر كبير برضو و فاهم فى المجال و امين
- مديحة
كانت بتعانى من ازمة موت خطيبها متولى خرجها من الازمة دى + متولى فى هذه المرحلة أصبح شخص فاحش الثراء + عملها مكتب خاص + حقق لها غريزة الامومة
- الفت
اخر واحدة خالص دى اكتر واحدة كانت داخلة على طمع لكن عشان نيتها الزبالة خدت على قفاها و هى خارجة
كل واحدة فيهم لو ما كنتش شايفة فى متولى استفادة معينة ولا عمرها كانت هتبصله
العبرة
النجاح المالي + الشخصية + الفلوس = رجل عالي القيمة
زود عليها الجسم المثالي عشان الزمن الحالي زمان العنين بتشتري فورمة six packs
انما الحب و الرومانسية تحطهم ف ميه بسكر تشربهم 😂
انتهي.. سلام
