بصراحه اجمل حاجه فالدنيا ربِنا عندو حكمه برضو ان العلاقه الحميمه بين الزوجين تحديداً فيها حاجه غريبه.!
حاجه يمكن مش موجوده فأي علاقه شاذه..شاذه هنا مش اللي فدماغكو لا اقصد غير شرعيه يعني..المهم..!
بما اني جربت قبل الجواز يعتبر علاقه بس مش بالمعنى الحرفي (كامله) اقصد..
الشعور والاحساس كان غير يمكن هي دي الموده والرحمه!..معرفش..بس اللي عرفتو ان الحب مش مرتبط ديما بالسرير ولا بعيشه ولا كلمة خلاص مش قادر/ة اعيش معاه/ا.
•طب انا ليه بقول كدا..؟
انا بقالي كام يوم ملاحظه بعض البنات والشُبان اللي اصغر ومن سني واكبر..اغلبهم اجمعو ان سبب توتر العلاقه فحياتهم هي: الحب والحنان ورومانسية زمان..بقت قليله لدرجة انت شفت تعليقات و**** تبكّي..اللي منمش مع مراته بقالو شهرين واللي بينام مع مراتو فسرير واحد واكنهم مش شايفين بعض وحاجه استغفر **** بجد...طب ليه كل ده! منبدا احنا نرجع كل اللي فات والترس المصدي اللي فقلوبنا❤️ ده نغيرو ونجيب واحد جديد..الحياه و**** جميله بس احنا اللي عقدنا الدنيا.. طبعاً هلاقي واحد راسو زي المربع هقول اصل ضغوط الحياه والعيال ومعرفش اي!🥴..بابا! انت عايز تعيش حياتك البائسة دي مفيش حاجه صعبه.🙂↕️
•طب واي علاقة ده بشهر العسل..!
ج: مهو ده اصل الموضوع كلو لو الحب اتزرع🍀 جوه القلب مهما عدى الزمن هتفضل العلاقه بين اي راجل ومراته كلها فرح وهنا..مش هنلاقي بقى زهق وملل تؤ.
وفي كلمه قالها تامر حسني(عمر وسلمى 2)..الكلمه دي لو اتطبقت واللّٰه ما هنلاقي ولا هنسمع كل يوم فلانه اتطلقت عشان كذا ولا فلان طلق عشان معرفش اي!
(ليه شهر العسل بيبقى مره واحده فالعمر..وبأدينا نخلي كل ايامنا عسل)💞.
