مشكلة رئي الناس

مصطفى مصطفى · 31 أغسطس 2023

انا مدرسة كيمياء وفيزياء عندي 28 سنة ومنفصلة ومعايا ولد متقدم لي واحد خريج ازهر ومُقرِأ وعنده ٢٦ سنة ومش متجوز قبل كده ومن ارياف عنده اخت ومتجوزة واخ صغير ١٥ سنة وهو شقته في بيت عيلة ليه شقة لوحده بس طبيعي هنزل اخدم بيتهم تحت غير شقتي وانا شغالة في مدرسة ودروس اون لاين حاليا قلت لنفسي عشان افضي نفسي شوية هسيب المدرسة وخليني في دروس بس المشكلة هنا ان بقول لاهلي ان يا ترى ايه السبب اللي يخلي حد بالظروف دي يتقدم على حد بظروفي وكلي قلق على السبب فمن ضمن كلامي قلت لاهلي ان ابني مش هسيبه وهيفضل معايا وكتير رفضتهم عشان ابني لاني مش متخلية ابدااا اني اسيبه كفاية ابوه سابه نهائي من بعد انفصالي فمش هسيبه انا كمان واهلي بيقولوا لي لا هيبقى بين عندك وعندنا وانا رافضة الفكرة دي تماما لاني عايزة ابني يبقى ليه بيت واحد مكان واحد وحياته تبقى مستقرة مش مشتت حتى لو مش هتجوز الاهم ان ابني يبقى في حضني
ثاني نقطه
اني قلت لاهلي بالنسبة لبيت العيلة ممكن نقول ليه اني مش ملزمة غير ببيتي بس وكده كده انا ناوية انزل اساعد مامته بس بقول كده عشان خايفة اني لو يوم تعبانة او عندي ضغط شغل في الاونلاين اوقات الامتحانات ميحصلش مشكلة ويقولوا فين مراتك ومنزلتش ليه واتفادى حوارات عشان انا تعبت اووي في جوازي الاولاني واتظلمت كتييير فخايفة موت اندم اني اوافق اتجوز تاني وخصوصا ان عندي علامة استفهام كبيرة اووي حوالين اصراره على انه يتقدم رغم انه عارف ظروفي علما اني معرفهوش وهو كل اللي شافة صورة ليا مع صاحبة اختى وكلم زوجها عليا
فأهلي عمالين يقولوا لي ابنك انتي كده كده سايباه في شغلك طول اليوم ومش فارق معاكي وفيها ايه لما تخدمي اهله ومش اسمها بتخدمي اسمها بيتك وانتي هتبقى ست البيت
بس **** يعلم انا سايبة ابني وبشتغل عشان اعرف اعيشه في مستوى حلو واساعد اهلي ماديا
وفكرة اني اقول حاضر اني هشيل فوق وتحت دي مش تبع شخصيتي خالص عشان ممكن تعمل مشاكل بعد كده وخصوصا انهم ارياف واكيد هتفرق معاهم الموضوع ده
بس وجه نظر اهلي محدش هيوافق على اللي انتي بتقوليه ده ب**** اتصحوني اعمل ايه وهل كده انا غلط ولا عندي حق
دي مشكله لصديقه ليا ومحتاره مش عارفه تاخد قرار قولت أنزلها هنا اخد رئي الناس كدا يمكن نقدر نساعد

bigteto · 31 أغسطس 2023

اقعدى مع اللى متقدم وحطى النقط على الحروف وقوليلة انه مهتم باهله وبار بيهم وانتى عندك ابن محتاجة يكون معاكى والاخر خالص ابنك اهم حاجة فى حياتك

hazem jr · 31 أغسطس 2023

هي جاهزة انها تتجوز تاني؟
من طريقة كلامها لأ خليها تفكر وتاخد وقتها احسن وبعدين تشوف هتعمل ايه وبلاش بيت عيلة عشان هيبقا متعب لو هتتجوز
ولو هي من مدينه وهو ارياف تفكس للجوازة اصلا

ڪـَـاروليـَن🖤 · 31 أغسطس 2023

مش عرف 🥀🥀

مصطفى مصطفى · 31 أغسطس 2023

@مدام دعاء
@مجنونة مطرقعة
@noha1
@دندوشه
@Mariam Hisham
@انثى لا مثيل لها
@xx_nour_xx
@Bandoda
@❤️Sarah❤️
@Ayaat
@ياسمين الجندول
@rafefq
@لؤلؤه سوداء 🪆🌚 بدِٖٓۆيَّہ
@...𝑄𝑢𝑒𝑒𝑛 𝑅𝑒𝑒𝑚.
@الصقر_الجارح
@Life Arch
@خبير معتزل (الخال)
@محترف اربعينى
@ماستر_جو
@علاء محمد
@الزعيــــــــم
@Mahmood Abdo
@وهم الأقنعه
@محمد ايزل
@Ahmed1989
@Palestinian

مصطفى مصطفى · 31 أغسطس 2023