عارف لما تسأل نفسك: ثم ماذا؟
السؤال ده ما بيطلعش من فراغ…
ده بيظهر بس لما الروح تكون وصلت لدرجة من التعب
مش بتتصلح بالنوم، ولا بالهروب، ولا بالكلام اللي بيواسي.
ثم ماذا؟
يعني إنك شفت كل الطرق اللي كنت فاكرها منقذ،
ولقيتها أضيق من روحك .
يعني إنك فجأة حسيت إن الزمن ماشي…
بس انت واقف في نفس النقطة،
كأنك شاهد على حياتك، مش صاحبها.
بتبص لجواك من غير تجميل،
وتكتشف إن كل اللي حاولت تخبيه عن نفسك
واقف قدامك دلوقتي…
واقف وبيسأل:
لحد إمتى هتعيش نص حياة؟
لحد إمتى هتتظاهر إنك بخير؟
ثم ماذا؟
هو سؤال الروح لما توصل لحافة وجودها،
لما ما يبقاش فارق معاها تكسب ولا تخسر،
لما بس تبقى عايزة معنى…
عقدة واحدة تمسكها وتقول:
“ ده اللي كنت بدور عليه.”
السؤال ده هو الباب اللي لو فتحته،
بيرجع لك كل الأجزاء اللي ضيعتها…
لكن بشرط واحد:
إنك تتحمل الحقيقة،
وتتقبل إن اللي ناقصك مش حد…
اللي ناقصك هو أنت اللي سيبتها على الهامش سنين.
ثم ماذا؟
هي اللحظة اللي فيها بتدرك إنك محتاج تبدأ…
مش من جديد،
لكن من النقطة اللي وقفت عندها سنين
وأنت فاكر إنك بتتحرك.
وفي النهاية… السؤال مش بس: ثم ماذا؟
السؤال هو…
هل تملك الشجاعة إنك ترجع لنفسك وتبطل هروب؟!
