منقول تصريح المبيت الأخير

[قائد القصص]

راجل هيئته محترمة ..ومعاه مراته محجبة ووقورة دخلوا مكتب مباحث الآداب
وسأل بلهفة عن رئيس مباحث الآداب
وقال "بسرعة لو سمحت اعمل لي تصريح علشان انا والمدام نبات في الفندق ..البطاقة مش معاها وانا منمتش من امبارح وعايز تصريح "

قانونا مسموح لرئيس مباحث الآداب أنه يعطي ورقة للزوجين بديلا عن القسيمة في بعض الظروف ودي بتكون للفندق لإكمال ورقه

رئيس المباحث قال له حاضر ..بس اتفضلوا
اخد كل واحد فيهم في مكتب وسأله عن بعض التفاصيل
زي ولادكم في سنة كام .. شقتك في الدور الكام ..الغسالة عندك نوعها ايه .. السخان غاز ولا كهرباء

بعد سؤالهم كل واحد لوحده اكتشف إن الاجابات مختلفة تماما
والراجل بيتكلم بنفس الثقة ..يالا بسرعه عايز التصريح عايز انام

رئيس المباحث قرر يعمل محضر ليهم . رغم إن مفيش واقعة فعلية بس حب يعمل المحضر لانه جاي بنفسه لمباحث الآداب عايز تصريح أنهم يباتوا في الفندق

فتح شنطة الست لتفتيشها ..لقى البطاقة
اكتشف إن الراجل مدير في مركز مرموق والست دي بتشتغل معاه وست مش صغيرة كانت جدة

عمل المحضر ..واتحول للنيابة
النيابة أمرت بحبسهم ٤ ايام
وكان موقف صعب لما أهاليهم عرفوا الحكاية

*****
اللواء خالد حكى القصة اللي قابلها لما كان رئيس مباحث الآداب..

اضغط لقراءة المزيد...