خواطر تخاريف

[الجنرال مانو]

#تخاريف_ علاء الجنرال
صحبى قالى أسمع منى
فلان أبعد عنه متعرفهوش
دول بيقولوا عنه وحش
وساعة الجد يخلع متلاقيهوش
بيقولوا ده بينقل الكلام
وبيفتى فى ال يعرفه وال ميعرفهوش
عامل فيها واد مهم
وهو يادوب صعلوك حرفوش
سمعت كلام صحبى
ولما شوفته مكلمتوش
كان لما يسلم عليا
اهز دماغى وأعمل فيها قفوش

(((وفضلنا عالحال ده شوية)))
وفى يوم صحبى جه حاله متبدل
قلنا يمكن فنجان القهوة مشربهوش
مالك يا صحبى فيك أيه
قال ،، البال مش رايق ومتهزروش
وشوية لقيت اللي كان
صحبى بيحذرنى منه واقف معاه فرفوش
أستنيت لما مشى ورحت سألته
قالى ده أخويا اللى أمى مخلفتهوش
قلت له مش أنت حذرتنى منه
قال ده وقف جنبي فى وقت أعز صحابى ملقيتهوش
أسمع منى بقى الخلاصة
متصدقش كلام عن حد لو ماعشرتهوش

اضغط لقراءة المزيد...