انا مؤمن جدا بمقولة دينية أقرب معنى ليها الحكمة بيجري وراها المؤمن، بيدور عليها مطرح متكون، و منكرش اتعلمت من أخ عزيز عليا هنا الكلام دا.
فلسفة فسي دماغك ( فلسفة الروقان)
مثال هيوضح الفلسفة:
تمرين هتعمله على الاقل كل اسبوع مرة او مرتين
)تخيل مجرد تخيل(
- انك صحيت في يوم خسرت شغلك
- شريكك في المشروع غدر بيك
- مرااتك خلعتك او ماتت
- فلوسك اتسرقت
تخيلت؟ ... طب التخيل ده هيؤدى ليه؟
غير انك تحمد ربنٍا على النعم الي في ايدك وتعرف قيمتها كويس جدا
توقعاتك تنخفض ( العشم هيقل وهتكون عملي جدا) - هتحاول تاخد احتياطات - تأثرك بالصدمات هيكون اقل ( ياما دقت على الراس طبول) - هتحط خطط بديلة (هعمل ايه ساعتها؟) - هتحط خطط للطوارئ ( أستبن )
هتلاقى ان الناس الى اتغدر بيها كانت متفائلة جدا زيادة عن اللزوم، مثلا يوليوس قيصر اتصدم لما اكتر حد متفائل بوجوده طعنه و قال مقولته الشهيرة
حتي انت يا بروتوس.
اللي مضى قايمة بمليون جنيه عمره ما كان يخطر على باله انه في يوم من الايام هيحتاج يطلق حبيبته و تبقي سبب ف بهدلته.
اخر حاجة انك هتلاقى دايما المؤثرات حواليك في الحياة في حاجات تقدر تغيرها وفي حاجات
خارجة عن ارادتك
الحاجات الي في ايدك هي الى تنشغل بيها وتاخد بالاسباب لأقصى درجة انك تغيرها و اللی بره عنك ما تزعلش عليه لو صابك لانه بره عنك مش بايدك
بمعنى افضل
فسي دماغك
