مشكله اجتماعييه ايام زماااااااان ( مشاهد 1)

[الجنرال مانو]

💥💥قسماً ب**** الزمن ده خلانى اتمنى نرجع تانى النور يطفي في عز الشتا ونولع لمبة الجاز أو الكلوب ونولع بابور الجاز ونقعد نتدفي حواليه
👀صحيح دلوقت تفاصيل حياتنا أنضف وأحسن لكن أنا عايز أرجع لطبيخ أمى في الفرن البلدى تانى
ولمة إخواتى حوالين بعض لا عمرنا سمعنا عن قتل ولا سيوف ولا سنج ولا غدر زى الأيام دى ..
لا عمرنا سمعنا عن بودرة ولا إستروكس ولا شابو ولا الحقارة دى وكنا محترمين وبنحترم بعض والكبير لو شخط في بلد يوقفها كلها علي رجل واحدة من كتر تقديرنا وإحترامنا ليه
🤔🤔 مش زى دلوقت تلاقي عيل مالوش لازمة لا ليه كبير ولا حاكم يبهدل فى اى حد ويشتم ويسب ويعاكس ولا خساة لمن تنادى لغاية الهيبة ما راحت ..
اه و**** زيمبئولك
🙈 مين فينا كان يقدر يتجرأ يقابل المدرس بتاعه في الشارع وكانت راسنا في الأرض وإحنا بنكلمه ..
مكنش فيه حاجة إسمها شباب تقف ع النواصي بالكللابب 🐕والشتيمة والألفاظ الزبالة وقلة الأدب دى ..
وكان أخرنا شوية لب سورى ونسهر كلنا هلى السطوح او عند الجامع في مجموعات وكل سن مع بعضه لا حد فينا يقدر يقول لفظ وحش ولا يخرج عن حدود الأدب
مش عايشيين في تلوث سمعى وبصرى زى إنهارده
كان كل حاجة ليها طعم حتى الطبيخ القرديحى كان طعمه أحسن من أبو لحمة دلوقت
لا كان عيل يقدر يخالف اهله ولا يغلط في إللي أكبر منه وإتربينا علي جملة أهالينا للمدرسين ( إكسروا وإحنا نعالج )
اه و**** زيمبئولك حصلت معايا
مش دلوقت لو المدرس كلم إبنك كلمة تعمل فيها أبو عرام وتنصف إبنك السافل علي أستاذه
لغاية الهيبة ما راحت

خدوا النت والتليفونات ورجعولنا بابور الجاز مع الحب و الإحترام تانى ..
خدوا اللمبات الليد ورجعولنا لمبة الجاز مع الأمان والبساطة تانى
خدوا زيادة المرتبات بس رجعولنا البركة تانى
خدوا الأبحاث والتقيمات ورجعولنا أمل وعمر تانى
أبوس إيديكم خدوا كل حاجة ورجعونا لنفسنا القديمة تانى ..
خدوا حياتى بس رجعونى لدفئ أبويا وأمى وسط إخواتى تانى
محدش حاسس بينا ولا بالحنين إللي جوانا
**** يرحم كل حاجة حلوه ماتت في حياتنا

اضغط لقراءة المزيد...