في نوع من «الشباب»… مش من الرجالة.
نوع طالع من تحت التراب…
زي نبات شيطاني بيكبر في أرض مفيهاش رجولة ولا مسؤولية.
يدخل العلاقة مش علشان يبني… لكن علشان يتعلّق فيها ويعيش على ضهر غيره.
النوع ده مش بيحب…
هو بيدوّر على «مأوى» مالي وعاطفي.
يدوّر على بنت تشتري له الأمان… وتتحمل عنه مسؤولياته…
وهو واقف يتفرّج… ويقولك “أنا راجل”
بس الحقيقة… هو مجرد «*** كبير» بيستخبى في شكل راجل.
النوع ده مكنش هيكبر لوحده…
كبر لأن فيه بنات ساعدوه من غير ما يقصدوا.
بنات كانت مستعجلة تتجوز… مستعدة تشيل نص الحمل،
وبعدين شالت الحمل كله… وقالوا عليها «ست قوية»
بس الحقيقة… هم اللي صنعوا وحش ملوش رجولة.
هو اللي خلّى فكرة «السند» تموت…
خلّى البنات تقول «أنا أستقل» بدل «أنا عاوزة راجل».
لأن الرجولة لو بقت عبء… الاستقلال يبقى أرحم.
الراجل الحقيقي مش اللي يقعد على ضهر بنت…
ولا اللي يتغذى على تعبها،
ولا اللي يحط رجليه على طموحها،
ويقول لها «أنتِ الست القوية».
الراجل مش اللي يستنى حضن…
الراجل هو اللي يبني بيت فيه حضن.
مش اللي يستنى ونس…
الراجل هو اللي يخلق الونس.
مش اللي يتسند…
الراجل هو اللي يتسند عليه.
الرجولة مش «مسمى»…
الرجولة فعل… وثِقل… ومسؤولية.
وده النوع اللي ندر… لأن فيه اللي باعها… وفيه اللي ساعده يبيع.
لو مش راجل بمعناها… متقربش من ست.
لو مش هتشيل… متطلبش تتشال.
الرجولة مش «علاقة»… الرجولة «حماية».
يا تمسك سيفك… يا تقعد في صف العيال.
