خواطر المعركة التي تدور خلف صدرك

[MrNoobody]

أوقات تبقى واقف
ومحدش شايف عليك حاجة
بس جواك حرب
سايبة أثر
أعمق من أي جرح برّا.

جزء منك عايز يعيش
وجزء تاني
عايز يطفي كل حاجة
وكل ما تحاول تتحرك
تحس إنك مربوط
بسلسلة طالع منها صوت خفيف
صوتك وهو بيستسلم.

الصراع الداخلي
ميتشافش
الموت اللي بيحصل جواه
سكات
والكسرة
من غير صرخة
ولا دمعة
كسرة بتحصل في الظل
ومحدش بيلمّحها.

وتوصل لمرحلة
تفهم فيها إنك مش بتحارب
انت بتنزف
وجروحك بتحارب مكانك
لحد متبقاش عارف
انت مين
ومين اللي بيحاول يمحيك.

ده مش صراع
ده سقوط هادي
سقوط زمايله الوحيدين
الصمت
والضلمه
والنفس اللي بيقل
من غير ما حد ياخد باله

اضغط لقراءة المزيد...

 

[سكارس]

كل حد عنده صراع داخلى على حسب اسباب الصراع

 

[MrNoobody]

كل حد عنده صراع داخلى على حسب اسباب الصراع

أتفق