ثقافة الماجناكارتا

الماجناكارتا هو اول اشكال العقد الاجتماعي والدستور في انجلترا وطبعا مش اول اشكال الديموقراطية
لان الديموقراطية في الغرب عموما لان كانت موجودة من قبله في الدولة اليونانية وفي بدايات الدولة الرومانية
والماجناكارتا كان نوع من انواع الدستاير البدائية جدا وظهر في انجلترا
في العصور الوسطى وقصة ظهوره ليها قصة فالبداية كانت ان انجلترا ارسلت مجموعة من جيوشها
في الحملة الصليبية التانية على الشرق وقاد الحملة الملك الانجليزي المشهور ريشارد قلب الاسد
وفي الوقت دة بيحصل كذا حاجة اول حاجة ففيليب اغسطس ملك فرنسا بيسيب الحملة الصليبية وبريجع على فرنسا وبيتدي يغزو اجزاء من انجلترا في غياب ريشارد قلب الاسد ودة بيشجع مجموعة من الاقطاعيين في انجلترا انهم ينفصلوا عن الحكم المركزي في انجلترا
وهنا بيعمل ريشارد قلب الاسد صلح مع صلاح الدين الايوبي وبيرجع جري علشان يلحق ملكه
وفي احد الحروب مع الاقطاعيين المنفصلين عن الحكومة المركزية لانجلترا بيموت ريشارد قلب الاسد
وبيمسك اخوه جون بلا ارض وبيخش في حرب مع فيليب اغسطس وبينهزم
وعلشان جون بلا ارض يقلل خسايره مع خسارته الفادحه ويتجنب انفصال الاقطاعيين عن انجلترا والحكم المركزي بيوافق على طلب الاقطاعيين انههم يشتركوا معاه في الحكم وبيتم اعلن ميثاق الماجناكارتا
وبيكون الاقطاعيين مشاركين الملك في الحكم عن طريق حاجة شبيهه بمجلس الوردات
الموجود حاليا في انجلترا وطبعا الديموقراطية هتطور بعد كدة في انجلترا في خطوات كتير بس البداية في انجلترا كانت الماجناكارتا

اضغط لقراءة المزيد...