ثقافة الفياجرا

[Scorpio King]

في خلال 25 سنة بس...

الكوكب طور الفياجرا "علاج ضعف الانتصاب" من حبايه زرقا بتاخد وقت طووويل على ما تشتغل لـ لزقه زرقا سريعة الامتصاص ODF تحطها على لسانك من هنا شعرك يقف من هنا😂 جيل جديد مبهر للغاية، وبما إني المتحدث الرسمي عن الجنس للرجالة في القصة تستحق تتحكي.

هنرجع ورا شوية معلش للتمانينات لما جوزيف فويز Joseph Fuisz بابا الشغلانة سأل نفسه: احنا ليه مضطرين نخلي الدواء يروح المعدة علشان يتكسر ثم يبدأ ياخد رحلته للدم، احنا ليه منختصرش الطريق ونخلي الدوا يروح على الدم مباشرة من خلال اللسان.. وهنا بدأت حكاية هتغير التاريخ قدام شوية ...

حكاية اختراع الـ Oral Dissolving Films زي اللي في إيدي دي، معلش علشان ماسك نفسي بالعافية عايز أقول إن في مفارقتين هنا يضحكوا: أبص مش أنا بتاع الجنس؟ أنا عمري في حياتي ما شوفت حباية الفياجرا ولا مسكتها، ودي أول مرة أضطر أفتح علبة واطلع لزقة زرقاء وامسكها علشان أصورها، والمفارقة التانية إن جوزيف فويز لا طبيب ولا صيدلاني. 😅

نرجع بقى للزمن بتاعنا لما الشركات أخذت موضوع اللزقة ده على محمل الجد.. لزقة تتحط عا اللسان في تسيح، وتتشرب في الشرايين بسرعة، صحيح إن جزء من الامتصاص بيحصل من خلال الأغشية المخاطية في الفم buccal & sublingual absorption وجزء بيروح للمعدة بعد الذوبان ويكتمل امتصاصه هناك، لكن هيفضل الاستجابة أسرع وأعلى من الحبايه بمراحل مش بس بسبب الطريق المختصر، لكن كمان عشان المادة الفعالة بتهرب من الـ first-pass metabolism في الكبد بشكل جزئي، فـ بتحافظ على نفسها ومش بتتأخر أو تتكسر جوه المعدة.. فـ أنت بتستفيد بسرعة جدا ومعدتك مش بتوجعك، التكنولوجيا دي حرفيا واحدة من أنضف التطورات في علم الأدوية الجنسية...

اللي في إيدي دي اسمها نيرها سيلدا، أعتقد Nerhadou كانت أول شركة في مصر طوَّرت الفياجرا بتكنولوجيا اللزقة سريعة الذوبان، ومعرفش في حد تاني عملها بعدهم ولا لا.

وأنا بكتب البوست ده عملت تصويت سريع على التليجرام للرجالة اللي استخدموا اللزقة سريعة الامتصاص بسألهم هل في فرق واضح !؟ شارك فيه زهاء 9000 رجل منهم 29% منهم شايفين الفرق لصالح اللزقة واضح جدا ، 36% شايفين الفرق متوسط، 35% شايفين مفيش فرق.. يعني معانا حوالي 65% جربوا الحباية VS اللزقة الزرقا وبيميلوا لـ اللزقة❤️ بس أنا خلصت خلاص.

⚠️ تنبيه: الفياجرا صنعت للاستدواء مش للرفاهية، لو انت طبيعي خليك زي ما انت متجربش حاجة لو سمحت.. والمقال ده كتب لأجل التوعية والتعريف بفكرة اللزقة ODF سريعة الامتصاص❤️
تحياتي

اضغط لقراءة المزيد...