في لحظة معينة
الشهوة تبطل تبقى إحساس طبيعي
وتتحول لشيء أعمق
أغمق
وأبعد عن المتعة نفسها.
تبقى محتاج اللحظة
مش عشانها
لكن عشان الفراغ اللي جواك
عايز حاجة تملاه دقيقة
ويرجع يفضى بعدها بدقيقة.
اللي يخوّف
إنك متبقاش بتدور على الشخص
ولا على اللذة
انت بتدور على الهروب
الهروب من صمت داخلي
صمت تقيل
مبيتسكتش
غير لما تعمل حاجة
تعرف إنها مش هتصلّحك
بس هتهدي العاصفة شوية.
الشهوة لما تبقى إدمان
مترتبطش بالجسد
ترتبط بالجرح
بالنقطة اللي انت سايبها مفتوحة
وبترجع لها كل مرة
كأنها ترياق
مع إنها السم.
تبقى بتعيد نفس الحركة
ونفس التكرار
ونفس المشهد
مش بدافع الحاجة
لكن بدافع الفقد
فقد نفسك
وفقد صوتك
وفقد قدرتك على الامتلاء الطبيعي.
كل مرة تحس بمتعة مؤقتة
وبعدين ييجي بعدها فراغ
أوسع
أعمق
أسود
يفكرّك
إنك معالجتش حاجة
انت بس هدّيت الزن
ورجع.
ومع الوقت
تفهم إن الإدمان مش رغبة
الإدمان هروب
وانك متعلق باللحظة
مش عشانها
لكن عشانك
وعشان جُرح
لسه مش لاقي كلمة
ولا ايد
ولا حضن
يسكّته بجد
