نصيحة الطرف الثالث بالعلاقة

[هاني ويل]

ساعات الواحد بيكون في علاقة معينة ومعروف ان اي علاقة لازم تكون بين الاثنين بس، لكن فيه علاقات معينة اعتقد يبقي من المضمون يكون فيها طرف ثالث مش انه يشارك بس انه يكون عارف بيها
مثلا، اعرف واحدة قالتلي انها كانت معرفة اختها بانها على علاقة بشخص ما وبتروحله، لما سألتها ليه بتعمل كده، قالت انا مضمنش ما يمكن في يوم يعمل فيا حاجة وساعتها محدش حيعرف عني حاجة
اعرف واحدة تانية كانت مدية صاحبها تليفون صاحبتها الانتيم وكانت معرفاها وقالتله لو حصلي حاجة وانا معاك واتصل بيها تيجي وهي حتتصرف
طبعا يبان ان الموضوع قلق وفيه احتمالات ولو واحد في المليون تحصل
بس طالما فيه احتمال او شك في حاجة وبالذات في العلاقات الحساسة
يبقي وجود طرف ثالث يعلم يمكن يساعد في بث الطمأنينة

اضغط لقراءة المزيد...