مشكلة الخوف من أنك تاخد خطوة

[شريـف باشا]

دايما بنخاف أن ناخد خطوة في موضوع و بنحس لو عملنا كدا هايجي مشاكل منه كتير و بنكبر و بنلغي الموضوع دا ، سواء هو موضوع أرتباط أو عن مشكلة أو عن أي حاجة ، بس صدقوني و عن تجربة أنا كان فيه موضوع حد واقفلي فيه و هما أقرب الناس ليا قرايبي و الموضوع كان خلاص فشل أوي أوي أوي ، لكـــــــــن قولت طب أنا ليه أعمل وصله أو وسطة للموضوع دا و خدت القرار أني أخد خطوة في الموضوع ، و طلع ألامر سهل أوي و فعلا أتعلمت أني متدخلش أي حد في أي حاجة أنا عاوزها لا صديق ولا قريب ، خد الخطوة دي بنفسك و صدقني لو صابت يبقى ليك نصيب فيها ، و لو خابت يبقى ملكش نصيب فيها و إللي بعدها أحسن و لو حتى إللي بعدها منفعش يبقى إللي بعدها ، و الحياة مابتتوقفش ......... خلاصة الكلام أنا عاوز أقول لو فيه موضوع مقلق منه لازم تاخد الخطوة من نفسك و ماتدخلش حد و سيبها على إللي خلقك .......... شكراً جداً للي دخل يقرأ الموضوع و ياريت تشرفونا بتعليقاتكم و تقولولنا عن تجارب ليكوا دخلتوا فيها ناس و بوظوهالكم .....​

اضغط لقراءة المزيد...

 

[Jolie Fille]

الخوف من انك تاخد خطوة جديدة في حياتك
هو شعور طبيعي يعترض كتير من الناس،
ولكن ممكن يكون تحدي قابل للتغلب ،
المهم يكون عندك القدرة والشجاعة انك تخطي الخطوة
وتنجح ، وكمان تقدم لنفسك الحافز لغاية ما تحقق حتى اصغر النجاحات
وده بيساعد على بناء الثقة لاخد خطوات جديدة كلما تقابلك عقبات في حياتك .

 

[شريـف باشا]

الخوف من انك تاخد خطوة جديدة في حياتك
هو شعور طبيعي يعترض كتير من الناس،
ولكن ممكن يكون تحدي قابل للتغلب ،
المهم يكون عندك القدرة والشجاعة انك تخطي الخطوة
وتنجح ، وكمان تقدم لنفسك الحافز لغاية ما تحقق حتى اصغر النجاحات
وده بيساعد على بناء الثقة لاخد خطوات جديدة كلما تقابلك عقبات في حياتك .

عند حضرتك حق في كل كلمة كتبتيها ... تحياتي