الأحتياج لشخص في فتره معينه من حياتك ممكن يحول حياتك لجحيم لو الشخص داه اتنازل عنك وسابك نص الطريق ... جواك فراغ كبير مليته بيه بس هو سابك وعنده بديل ليك تاني يملى الفراغ اللي انت فاكر نفسك سيبته فيه ... عشان كده متحتجش لحد ومتتعلقش بحد انت مش قرد عشان تتعلق في الشجره .. اللي غاب زي اللي مات الاتنين واحد ... اللي علي وقت الاحتياج موت كل حاجه حلوه كانت ليه .. اكتفي بنفسك بس ولو حتى هتكمل العمر لوحدك .. الوحده يمكن صعبه بس مريحه اوي بعيد عن عالم النفاق والكدب ... كل الناس عايزينك عشان مصلحتهم هما وبس ... كل الناس بيشوفوا الحاجه اللي تبسطهم محدش هيفكر دي هتبسطك او هترتاح فيها ولا لا محدش بياخد باله وهو بيضغطك بس بياخدوا بالهم لما تتغير .... ومحدش بياخد باله وهو بيجرحك بس بياخدوا بالهم لو بقيت عصبي .... محدش بياخد باله وهو بيصغرك بس بياخدوا بالهم وانت مبتهتمش بيهم ... كل واحد بياخد باله من اللي بيأذيه هو بس مش اللي بيأذيك انت .. فكر كده لو مت انهرده هيحصل حاجه ؟ ... عادي جدا بكره هينزل اعلان عن وظيفه مكان وظيفتك .. خطيبتك هتتجوز غيرك . اهلك هيكملوا حياتهم بعدك .. اصحابك هيفتكروك بالخير .. بس محدش هيموت عشانك ... فمتموتش نفسك ولا إحساسك عشان حد محدش يستاهل بجد .. مش لازم يكون فيه حد في حياتك عشان تعيش مبسوط .... اوقات كتير الوحده بتكون احسن من مليون حد معاك ... ممكن تكون معاك كل الناس بس حاسس بالوحده ومتدايق وممكن تكون لوحدك بس مش محتاج حد معاك وبالك رايق .... راحة البال عمرها ما كانت في انسان او فلوس ... راحة البال أكبر نعمه من **** حافظ عليها لو راحت مش هترجع تاني .
فضفضه قيمة وجود صديق واحد حقيقي (خاص بـ مسابقه _السحاليل)
