مساء الخير عليكم جميعا و كل سنة و انتم جميعا بخير
عندي اقتراح للادارة و اتمني ان الكل يشارك في و يقول راية و مقترحاته
اقترح علي الاخوة في الادارة انهم يعملو قسم جديد للتعارف من اجل الزواج سواء كان جواز رسمي او عرفي او مسيار و كل واحد او واحدة يكتب مواصفاته و موصفات الشريك الي بيدور عالية و نوع الجواز الي عايزة و في الحالة دي هايبقي في فرص للتعارف و الارتباط الجاد ، اهم حاجة يكون في صدق في البيانات و المواصفات و كل واحد يكتب ظروفه و مواصفته بمنتهي الصدق و الشفافية و يبقي لكل عضو او عضوة حرية الاختيار
انا عارف ان في بنات ناس محترمين جدا بيدخلو كا زوار و ستات مطلقات و ارمل قمة في الادب و الاحترام في الواقع و بيدخلو هنا عشان يشبعو شي من احتياجاتهم ، مش عيب و لا غلط ومن حقهم طبعا ، اية المانع بقة ان احنا نفتح باب للتعارف و الارتباط الجاد بين الاعضاء و اعتقد من وجهة نظري المتواضعة ان دة هايبقي من انجح اقسام المنتدي و من انجح انواع الارتباط و هانسمع و هانشوف قصص ارتباط ناجحة جداا و مش شرط ان العضو او العضوة تطلب لنفسها الارتباط ، ممكن الابن يطلب لامه او الاخ لاخته او البنت لبابها و هاكذا ، مستني ردودكم و تعليقاتكم عشان نتشجع و نطلب تنفيذ الاقتراح دة من الاخوة في الادارة
تحياتي و كل سنة و انتم بالف خير
