ظهر في الفترة الاخيرة علاقات غريبة الشكل اللي هو انتو مش قادرين تحددو ليها مسمي و الاسوء ان الافراد اللي في العلاقة دي نفسهم مش قادرين يحددو ليها اي مسمي...تعالو اقولكم ع شكل منهم
انتا ك ولد او بنت تلاقي الطرف التاني بيتعامل معاك بمنطق اتنين مخطوبين شوية و شوية اتنين اصحاب ذي مثلا ان الولد يبدا يكون مسيطر علي البنت و متخرجيش او يبدا يتحكم في تصرفاته سواء بشكل صريح او باستنزاف عاطفي "انتي ليكي الحرية طبعا انك تعملي كدا بس انا مش عايزك تعملي دا لاني خايف عليكي...بس انتي حره اكيد".
نيجي ل تاني جزء وهو اللهو الخفي وهنا هتلاقيه شوية موجود طول اليوم و شوية مختفي و بتحاول تتواصل معاه مش قادر توصله و تلاقي شوية يهتم بيكي و شوية يعاملك شبه المروحة (واحب اقوليك يا عزيزتي ان المروحه في الوقت دا بتكون اكثر اهمية بالنسباله عنك).
وهنا انت بتلاقي نفسك في علاقة عاملة شبه الثقب الاسود مش عارف فيها انت مين او انت فين؟
و هنا يا عزيزي بتلاقي نفسك كلاون قاعد تطلع تبريرات و تلوم نفسك وتحمل نفسك المسؤولية...و بعد ما تشوف كلام زي دا تقول لا انا لازم افهم و اعرف حدود العلاقة دي
و تاخدو قراركم انكو تتكلمو مع الطرف التاني عشان تحاولو تفهمو ايه العته دا و هنا هيكون قدامكو طريقين:
- هيضحك عليك أو عليكي بكلمتين .
- هيدخلكو في دايرة من لوم النفس وانتو قد ايه ظالمين و مفترين ومش يتثقو في الطرف التاني...
و احب اوضحلكو انكو في الحالتين (كلاااااااااااااااون) لانكو مخدتوش اجابة ولا انتو قادر تحددو دي علاقة صداقة ولا ارتباط و اخوات ولا ايه
و الحل هنا بيكون في الاسئلة الصريحة و المباشرة ل طبيعة وحدود العلاقة دي...و في حالة عدم وجود اجابة واضحه و محددة اجررري 🏃🏃🏃🏃
المهم يا اخواتي انكو في اي علاقة تكونو قادرين تحددو طبيعتها و حدودها و دوركو فيها ايه و ايه حقوقكم و وجباتكم فيها.
فضفضه كانت فكرة زي الزفت (لا ينصح بدخول المنشور لاصحاب القلوب الضعيفة نهائيا)
