طب أنا كده عندي قذف مبكر ولا لأ؟
خلينا نتكلم بصراحة ومن غير لف ودوران.
السؤال ده بييجي في دماغ ناس كتير، بس قليل اللي بيحب يسأله.
أول حاجة لازم تبقى عارفها:
مفيش رقم سحري ولا توقيت ثابت نقول عليه “ده طبيعي وده لأ”.
فيه واحد يقذف بعد دقيقتين ويحس إنه تمام،
وفيه واحد يقعد أطول ويحس إنه مش مسيطر.
الموضوع كله بيرجع لإحساسك أنت.
---
يعني إيه قذف مبكر أصلًا؟
لو القذف بيحصل بسرعة قوي،
وحاسس إنك مش ماسك نفسك خالص،
وكل مرة بتحصل نفس القصة ومش قادر تطوّل حتى شوية
يبقى غالبًا آه… عندك قذف مبكر.
لكن لو الموضوع بيحصل أوقات وأوقات لا،
أو بسبب توتر، استعجال، قلق
فده طبيعي جدًا ومش مشكلة.
---
الجسم بيعمل إيه؟
وأنت متحمس، الجسم بيطلع في مراحل.
في مرحلة معينة كده…
لو دخلتها، مفيش رجوع.
اللي عندهم قذف مبكر بيدخلوا المرحلة دي بسرعة.
عشان كده أي علاج حقيقي بيحاول يخليك تأخر الوصول للنقطة دي.
---
الموضوع ده شائع؟
أيوه… وشائع جدًا.
خصوصًا بين الشباب.
توتر، قلق، تفكير زيادة، قلة خبرة
كل ده بيخلي الموضوع يحصل.
يعني لو حسيت إنك لوحدك؟
لا، خالص.
---
طب ليه بيحصل؟
مفيش سبب واحد وخلاص.
فيه ناس كده من طبيعتها
فيه ناس بسبب قلق أو خوف
فيه ناس اتعودت توصل بسرعة
وفيه ناس دماغها بيضغط عليها زيادة عن اللزوم
وأحيانًا من غير سبب واضح أصلًا.
---
إمتى أقلق؟
لو:
الموضوع متكرر كل مرة
حاسس إنه مأثر على نفسيتك
أو مخليك متوتر ومش واثق في نفسك
ساعتها لازم توقف وتفكر تتعامل معاه.
لكن لو:
بيحصل أوقات
ومش مضايقك قوي
يبقى غالبًا مش محتاج تعمل حاجة دلوقتي.
---
طب فيه حل ولا مفيش؟
فيه حلول، بس خلينا صرحا:
المراهم، السبراي، الواقي…
كل ده ممكن يساعد،
بس مش حل جذري.
الحل الحقيقي إنك تتعلم تتحكم،
وتفهم جسمك،
وتعرف إمتى توقف وإمتى تكمل.
فيه تمرين مشهور اسمه “قف وابدأ”
ببساطة: لما تحس إنك قربت، توقف شوية، تهدى، وبعدين تكمل.
مع التكرار، التحكم بيزيد.
وفى النهاية سرعة القذف مش نهاية الدنيا ،وليها حل
وأهم حاجة متخليش الموضوع يكبر في دماغك أكتر من حجمه.
تحياتي
مشكلة ضعف الانتصاب عند الشباب… إزاي تعرفه وتتعامل معاه؟
ثقافة مدة القذف الطبيعية وازاي تعرف عندك سرعة قذف ولا لاء
نقاش أهلا بالمعارك لما القلب يعاند العقل البوست للستات
