الموقف ده حصل بالتحديد شهر 12 سنة 2015 كنت لسة جاي من اسوان وفي اول ترم في الكلية وكنت علي نياتي اوي
الموقف كالآتي متقسم جزئين الجزء الاول في الاتوبيس الجزء التاني في الشقة
الجزء الاول :- كنت راجع من الكلية وكورسات بعد الكلية قعدت جنب واحد في الاتوبيس في منتصف الأربعينات من عمره فتح معايا كلام انت منين وشكلك مش من هنا انا من اسوان وهنا للدراسة قالي ليك في الضمنة انا بحب بتوع اسوان واسمع أنهم حريفة ضمنة وايه رايك تيجي البيت في يوم نلعب مع بعض وعرفت اسمه وهو شغال ايه وفين وساكن فين وكدة وخدنا ارقام بعض
انا كل ده فاكره متجوز وكدة وراجل محترم بس انا كنت طيب طيبة ساذجة 😂
الجزء الثاني:-
كلمني يوم الخميس ايه رايك تيجي بكرة الجمعة انا اجازة والمهم رحتله بالفعل واول ما وصلت انا دخلت الحمام وهنا اول علامة ظهرت بس عرفت معناها بعدين كان بيقفل باب الشقة بالمفتاح بس انا قولت يمكن انا متهيالي
خرجت من الحمام قعدنا نلعب كل شوية يمسك أيدي ولما أكسبه يحضني واحس بايده علي ضهري هنا انا اقتنعت تماما إني مع راجل خول مش مظبوط
طلعت تليفوني بعت العنوان ورقم العربية بتاعته ورقم تليفونه لواحد معايا في السكن وكلنا من اسوان من الثانوي مع بعض وقلتله رن عليا كان في حاجة حصلت ولازم اجي حالا ولو خلال ساعتين مكنتش جيت تجيب الرجالة وتيجو ع العنوان اللي بعته
وقد كان اتصل عليا وعرفت اخلع من الخول ده واكتشفت أنه كان قافل الباب بالمفتاح ابن العرص وفتحه ونزلت عادي وقلبي طبعا شغال فيبريشن 😂
وبعدها باسبوعين الراجل ده اتصل عليا عادي وشتمته وهزأته واختفي بعدها
وده أكتر موقف غريب عدي عليا في حياتي كلها واعتقد اغرب موقف ممكن اي حد يشوفه اصلا بس قلت احكيه بمناسبة نجاحي في البرلمان 😂
