في حاجات جوا الروح مش بتتصلح …
بتتعفن بس، وتتعلم تعيش ريحتها.
وأنا اتعلمت أعيش مع حاجات محدش يقدر يشوفها من بره.
عمري ما كنت شخص طبيعي،
كنت دايمًا واقفه على حافة بين نور خفيف
وظلام عمره ما كان عدواني…
كان بس فاتحلي بابه كل ليلة،
كأنه بيقول: “ ارجعي … أنت من هنا .”
أنا ما بخافش من الوحدة،
الوحدة عندي مش غياب ناس…
الوحدة حضور حاجات جوايا
كنت فاكرها ماتت،
ولسه بتناديني بصوت أعرفه من زمن طويل.
في صمتي حكايات محدش هيصدقها،
وفي عيني حاجة مش محتاجة تفسير…
زي إنك تبص لبحر ميت،
مفيهوش موج… بس جواه أسرار غرقوا ناس كتير.
عمري ما حاولت أشرح نفسي،
لأن اللي اتكون من العتمة
مش مطلوب منه يبقى مفهوم…
يكفي إنه واقف على رجليه،
ويكفي إنه لسه بيتنفس
رغم إنه من جوه
أقدم من عمره،
وأتقل من الحكايات اللي عمرها ما اتقالت.
أنا مش غامضه…
أنا بس أعمق من إنك تفتكر إنك فهمتني
من أول قراءة.🔱🖤
